35:550  les  Pseaumes,  la  ou  il  y  a  quelque  declaration  des  chastimens  que  Dieu  envoyoit  ou  a  David  ou  a  ses  autres  serviteurs.  Quand  donc  Dieu  a  durement  afflige  son  peuple,  il  y  a  eu  de  telles  requestes  que  cependant  les  fideles  entrelacent  tousiours  ie  ne  scay  quoy  comme  s'ils  estoyent  esperdus.  Ainsi  en  fait  maintenant  Ezechias.  Et  il  y  a  un  exemple  du  tout  pareil  au  Pseaume  39,  que  nous  avons  desia  allegue,  car  la  David  cognoist  aussi  bien  qu'il  ha  affaire  a  Dieu.  C'estoit  desia  beaucoup  de  cognoistre  que  les  hommes  le  persecutoyent,  mais  quand  il  voit  que  la  main  de  Dieu  luy  est  contraire,  II  ne  faut  point  (dit-il)  que  ie  viene  yci  plaider,  ni  intenter  proces:  il  n'y  a  rien  meilleur  que  de  me  taire  du  tout,  et  passer  condamnation.  Et  en  Iob  nous  voyons  beaucoup  de  telles  querimonies  aussi  bien.  Or  venons  doncques  a  l'intention  d'Ezechias.  Que  diray-ie?  c'est  luy  qui  l'a  dit,  et  il  l'a  aussi  bien  fait.  Par  ci  devant  il  se  lamentoit,  voire  non  pas  comme  ceux  qui  ne  trouvent  nulle  esperance:  car  telles  gens  crieront  assez  helas,  mais  tous  leurs  souspirs  s'esvanouissent  en  l'air.  A  l'opposite  Ezechias  nous  monstre  yci  que  si  nous  voulons  que  Dieu  nous  exauce,  il  nous  faut  desployer  toutes  nos  passions  et  nos  tristesses  devant  luy,  afin  que  nous  en  soyons  deschargez,  comme  il  est  dit  au  Pseaume.  Or  Ezechias  iusques  yci  a  suyvi  cest  ordre-la:  c'est  qu'il  a  desploye  les  perplexitez  et  solicitudes  qu'il  enduroit,  comme  s'il  les  mettoit  au  giron  de  Dieu.  Maintenant  il  se  reprend.  Helas  (dit-il)  que  doy-ie  faire?  car  c'est  Dieu  mesme  qui  Pa  dit  et  qui  l'a  fait.  Il  m'a  envoye  ce  message  par  son  Prophete,  qu'il  n'y  avoit  plus  d'esperance  de  vie:  c'est  donc  en  vain  que  ie  le  prie.  Que  profiteray-ie  en  toutes  mes  oraisons?  Que  feray-ie?  et  ie  ne  scay  s'il  aura  pitie  de  moy.  Nous  voyons  maintenant  comme  Ezechias  se  despite  contre  soy-mesme.  Or  il  est  vray  qu'une  telle  dispute  procede  d'infidelite,  mais  il  faut  aussi  qu'il  y  ait  de  l'infidelite  en  nous  afin  que  nostre  foy  soit  tout  mieux  esprouvee.  Et  encores  n'est-ce  pas  a  dire  (pour  parler  proprement)  que  nous  soyons  infideles,  quand  nous  sommes  ainsi  agitez  d'inquietude.  mais  que  nous  avons  la  foy,  debile,  et  que  nostre  Seigneur  nous  exerce  tellement  que  nous  cognoissons  cependant  qui  nous  sommes,  et  que  sans  luy  nous  serions  cent  mille  fois  vaincus  a  chaque  heure.  Voyla  en  somme  ce  qu'Ezechias  a  voulu  yci  declarer.  Que  diray-ie?  car  ie  ne  sens  point  que  l'oraison  et  la  priere  que  ie  pourray  faire  soit  profitable.  Et  pourquoy?  Dieu  me  force,  et  ie  ne  sens  aucun  allegement,  ie  crains  de  me  presenter  a  luy:  cependant  toutes  fois  i'espere  que  ma  requeste  ne  sera  point  reiettee  de  luy:  combien  que  ie  cognoy  a  la  verite,  que  quand  il  a  parle  par  la  bouche  de  35*