32:550  semble  que  nous  soyons  insensibles.  Et  d'autant  plus  devons-nous  bien  mediter  ceste  doctrine:  car  c'est  le  vray  remede  pour  corriger  une  telle  laschete,  et  une  telle  froidure  qui  est  en  nous.  Apprenons  donc,  quand  David  dit,  Seigneur,  ie  garderay  ta  Loy,  que  par  cela  il  signifie,  que  selon  que  Dieu  besongne  envers  nous,  et  que  nous  experimentons  ses  graces,  que  nous  recevons  le  fruit  de  ce  que  nous  avons  espere  en  ses  promesses:  que  cela  nous  doit  servir  de  confirmation  plus  ample,  et  que  nous  devons  estre  incitez  d'autant  plus  a  aimer  Dieu,  et  le  servir,  et  nous  addonner  a  sa  parole,  en  somme,  comme  il  est  yci  dit,  a  garder  sa  Loy.  Mais  il  y  a  encores  d'avantage,  David  ne  parle  point  yci  d'une  bouffee,  comme  aucuns  seront  bien  poussez  pour  peu  de  temps:  mais  il  dit,  Ie  garderay  ta  Loy  a  tousiours,  et  a  iamais,  sans  fin.  En  quoy  il  monstre,  que  nous  devons  avoir  telle  memoire  des  benefices  de  Dieu,  que  iamais  elle  ne  nous  eschappe.  Comme  i'ay  desia  dit,  nous  en  verrons  qui  seront  esmeus  pour  peu  de  temps,  quand  Dieu  les  aura  delivrez  de  quelque  danger,  qu'il  leur  aura  fait  quelque  grace:  ils  sentiront  bien,  Helas!  combien  suis-ie  tenu  a  mon  Dieu?  Les  voyla  bien  affectionnez  ,  ce  cuidera-on  :  mais  ii  ne  faut  que  tourner  la  main,  ils  l'auront  tantost  oublie  :  ou  bien  s'il  leur  en  souvient  pour  quelque  espace  de  temps,  ils  se  refroidissent  et  n'y  pensent  plus.  Puis  qu'ainsi  est  donc,  notons,  suyvant  ce  qui  est  dit  en  ce  passage,  qu'il  ne  faut  point  que  la  memoire  des  benefices  de  Dieu,  soit  iamais  efface  de  nos  coeurs:  mais  que  nous  le  prions  qu'il  nous  face  observer  sa  Loy  a  iamais,  et  a  tousiours:  et  qu'il  nous  instruise  tellement,  que  nous  ne  demandions  sinon  d'adherer  a  luy  et  a  sa  iustice.  Or  il  dit,  Qu'il  cheminera  au  large,  d'autant  qu'il  a  cerche  les  commandemens  de  Dieu.  Cheminer  au  large,  signifie  aller  a  son  aise:  comme  quand  nous  sommes  en  quelque  destroict  nous  ne  scavons  de  quel  coste  nous  tourner,  mais  nous  semble  qu'il  n'y  ait  plus  de  chemin  :  ainsi  sommes  arrestez  tout  court,  ou  bien  nous  advisons,  si  nous  trouverons  quelque  moyen  d'eschapper,  et  sommes  en  perplexite.  Et  est-ce  l'asseurance  et  ioye  qu'il  nous  faut  avoir  en  la  doctrine  de  Dieu,  que  cela?  David,  au  contraire,  dit,  Qu'il  cheminera  au  large:  c'est  a  dire,  qu'il  s'en  ira  franchement  son  plein  chemin,  comme  on  dit,  puis  qu'il  a  cerche  les  commandemens  de  Dieu.  C'est  encores  un  passage  que  nous  devons  bien  observer.  Car  le  sainct  Espit  par  la  bouche  de  David  nous  a  voulu  declairer  aussi  bien,  quand  nous  desirons  que  nostre  vie  soit  reglee  aux  commandemens  de  Dieu,  que  nous  souffrons  de  l'avoir  pour  nostre  conducteur,  et  luy  remettans  la  conduite  de  toutes  nos  oeuvres,  et  nos  affaires,  qu'il  s'accommodera  a  nous,  entant  qu'il  cognoistra  estre  35*