25:550  populosior?  Tribus  Issachar  numerantur  tantum  sedecim  urbes.  Tribus  Nephthali  novemdecim.  In  tribu  Aser  tantum  viginti  duae  referuntur.  Certe  iniqua  fuisset  distributio  multo  plures  urbes  in  habitationem  dare  paucioribus.  Unde  colligitur,  non  tantum  villas,  quae  hic  censentur  urbium  accessio,  aptas  fuisse  ad  habitandum  :  sed  alias  quoque  urbes  fuisse  comprehensas,  de  quibus  facta  non  fuit  mentio.  Denique  ex  sorte  tribus  Levi  palam  apparet  quam  lata  fuerit  et  amplam  aliarum  ditio.  43.  Dedit  itaque  Iehova.  De  requie  si  quis  moveat  quaestionem,  facilis  solutio  est,  ita  fuisse  territas  et  metu  exanimatas  gentes  Chanaan,  ut  sibi  nihil  magis  conducere  putarent  quam  serviliter  blandiendo  pacem  redimere  a  filiis  Israel.  Plane  itaque  subacta  erat  regio,  et  habitatio  pacata,  quum  nemo  vel  molestus  esset,  vel  quidquam  moliri  auderet,  quum  nullae  minae,  nullae  insidiae,  nulla  vis,  aut  conspirationes.  Verum  de  secundo  ambigitur  quomodo  in  possessione  terrae  sibi  promissae  locati  fuerint  filii  Israel,  et  ea  potiti  sint,  ut  in  eius  fruitione  ne  syllaba  quidem  ex  Dei  promissionibus  deesset.  Atqui  ante  vidimus  multos  hostes  fuisse  illis  permixtos.  Dei  sententia  erat,  ne  quis  superstes  maneret:  multos  non  expellunt,  sed  eos  admittunt  vicinos,  ac  si  communis  iis  esset  haereditas,  cum  illis  etiam  paciscuntur:  quomodo  haec  simul  convenient,  Deum,  sicuti  promiserat,  terrae  possessionem  dedisse  populo,  qui  tamen  hostium  viribus,  aut  pertinacia  fuit  exclusus  ab  aliqua  parte?  Ut  species  repugnantiae  tollatur,  discernere  convenit  inter  certam,  perspicuam  et  stabilem  Dei  fidem  in  servandis  promissis,  et  inter  populi  mollitiem  ac  inertiam,  qua  factum  est,  ut  Dei  beneficium  quasi  e  manibus  deflueret.  Quodcunque  bellum  suscepit  populus,  quamcunque  in  partem  signa  movit,  parata  fuit  victoria,  nec  aliud  remorae  fuit  vel  obstaculi,  quominus  exterminarent  omnes  hostes,  quam  voluntarius  eorum  torpor.  Quare  etsi  non  omnes  profligarunt  quo  vacua  fieret  eis  possessio:  Dei  tamen  veritas  manifesta  emersit  atque  exstitit,  quia  nihil  illis  negotii  fuisset  reliqua  consequi,  si  oblatas  victorias  amplecti  libitum  esset.  Summa  huc  redit,  nonnisi  per  eorum  ignaviam  stetisse  quominus  fruerentur  solido  et  integro  Dei  beneficio  :  quod  ex  proximo  capite  melius  liquebit.  CAPUT  XXII.  1.  Tunc  accersivit  Iosue  Rubenitas  et  Gaditas  ac  dimidiam  tribum  Menasse,  2.  Dixitque  ad  eos:  vos  custodistis  omnia  quae  praecepit  vobis  Moses  servus  Iehovae,  et  obedistis  voci  meae  in  cunctis  quae  praecepi  vobis.  3.  Non  deseruistis  fratres  vestros  iam  35*