9:55  55  SECUNDA  DEFENSIO  56  [pag.  18]  qualis  fuerit  mea  in  scribendo  mediocritas.  Caeterum,  quia  forte  veritus  est,  ne  si  solus  ipse  laesus  foret,  paucos  inveniret  privati  doloris  socios,  totam  gentem  suam  ad  commune  praelium  incitat,  ac  si  Germanis  omnibus  vulgatum  temulentiae  probrum  a  me  obiectum  foret.  Si  ita  esset,  ne  ipse  quidem  mihi  vellem  ignosci.  Sed  notanda  est  quam  mox  addit  probatio.  Crimine  hoc,  inquit,  semel  atque  iterum  me  perstringit.  Quasi  vero  si  bibulus  est,  sine  compotoribus  inebriari  nequeat.  Quanquam  ne  hic  de  nihilo  anxius  sit,  sciat  non  indictum  fuisse  praelium  suis  poculis,  sciat  de  alia  temulentia  me  loquutum  esse,  1)  quam  propheta  Isaias  dicit  non  esse  a  vino.  Utinam  vero  non  ita  se  in  profundum  fastum  immergeret,  nec  praeceps  rueret  tam  violento  impetu,  ut  ieiuna  eius  ebrietas  omnibus  plus  aequo  nota  esset.  Non  minus  etiam  ridicule  in  locum  illum  communem  digreditur,  sibi  hanc  cum  Christo  et  apostolis  communem  esse  sortem,  quod  praeter  culpam  oneretur  mendaciis  et  probris,  quibus  vomendis  tam  largum  et  robustum  ei  esse  pulmonem  testantur  eius  scripta,  quam  ferendis  et  [pag.  19]  concoquendis  delicatum  esse  eius  stomachum,  querimoniae  declarant.  Praesertim  quid  eum  gravissime  vulneraverit,  perspicere  difficile  non  est_  Admonueram  ut  suae  inscitiae  conscius,  non  tam  confidenter  se  efferret.  Mihi  certe  nihil  minus  in  animo  fuerat,  quam  tam  acerbum  vulnus  infligere.  Nunc  quum  subinde  stomachose  repetat  indoctum  se  haberi,  latentem  morbum  detexit.  Ergo,  Westphale,  ut  intelligas,  neque  me  data  opera  antehac  quaesisse  quod  te  pungeret,  neque  etiam  nunc  dolore  tuo  oblectari,  posthac  indoctum  vocare  desinam,  modo  vicissim  candidum  et  integrum  homIDem  te  mihi  praestes.2)  Atque  utcunque  tuo  more  ebullias  in  effraenam  maledicendi  licentiam,  nullis  conviciis  certabo.  Porro  ut  verum  sit,  durius  te  ideo  fuisse  meis  verbis  obiurgatum,  ut  audaciam  tuam  compescerem,  frustra  tamen  vel  existimas,  vel  obtendis,  callido  me  artificio  fuisse  usum,  ut  probris  meis  oppressus  quiesceres.  Quasi  vero  nescirem  quam  facundus  ad  maledicendum  rhetor  esses,  et  quam  larga  huius  generis  copia  tibi  proflueret.  Sed  quando  ita  mecum  agis,  ut  si  verbulo  [pag.  2  o]  te  perstringam  conviciator  sim,  tu  vero  nihil  tibi  ad  me  lacerandum  non  concesseris:  quomodo  temperanda  erit  styli  mei  ratio?  Nempe  hoc  compendium  sequi  praestabit,  ut  de  re  ipsa  simpliciter  loquar.  Nam  et  hoc  observabit  prudens  lector,  quoties  vehementius  in  te  incurrere  coactus  sum,  nunquam  tamen  a  gravi  et  seria  admonitione  recessisse.  Tu  vero  1)  Vide  'primam  defensionem  pagina  nostra  7  et  quae  ibi  annotavimus.  2)  pourveu  que  de  ton  coste  tu  monstres  envers  moy  une  honnestete  naifve  et  procedes  en  bonne  rondeur.