8:55  55  DE  SCANDALIS.  56  ortam  fuisse  dicas.  Alii  tametsi  propositi  sint  aliquousque  tenaces,  paulatim  tamen  frigescunt.  Quod  partim  ex  vanitate,  partim  ex  ignavia,  partim  ex  terrenis  curis  provenit,  id  poenitentiae  assignant  imperiti.  Ergo  ipsi  quoque,  ne  sero  poeniteat  longius  esse  progressos,  mature  resiliunt.  Si  qui  mortis  aut  persequutionum  metu  territi  (quod  multis,  proh  dolor,  accidit)  ab  evangelio  deficiunt,  ex  eorum  inconstantia  scandali  materia  struitur.  Foedus  quidem  eorum  lapsus.  Verum,  utcunque  Christum  negemus  omnes,  an  se  ipsum  propterea  negabit?  Imo  integer  ac  sui  perpetuo  similis  nihilominus  manebit:  ut  Paulus  etiam  admonet  (2  Tim.  2,  13).  Longe  aliter  nos  talibus  exemplis  percelli  decuerat:  nempe,  ut  infirmitatis  nostrae  admoniti  sollicite  caveremus,  ne  idem  nobis  accideret,  [pag.  69]  Postquam  Iudaeos  a  Dei  gratia  excidisse  narravit  Paulus  (Rom.  11,  22),  sic  formidabilem  esse  ostendit  eorum  casum,  ut  alios  ad  cavendum  hortetur  atque  animet.  Ergo  si  quorum  acui  sollicitudo  debebat  totis  populis  ab  evangelio  desciscentibus,  eos  unius  aut  alterius  hominis  defectio  exanimat,  quis  non  culpam  perverso  eorum  iudicio  assignet?  Neque  tamen  eorum  crimen  extenuare  consilium  est,  qui  infirmas  animas,  quantum  in  se  est,  labefactant.  Tantum  monitos  velim,  qui  aliis  cadentibus  vacillant,  quam  maligna  sit  ista  consternatio.  Negavit  ille  Christum.  Quis  putasset?  Ille  evangelio  valedixit,  quem  omnes  rupe  firmiorem  credebant.  Ille  iam  tepet:  alter  glacie  frigidior,  quum  ad  miraculum  usque  fervere  visi  sint.  Atqui  non  reputant,  qui  sic  loquuntur,  ideo  frangi  alios  mortis  terrore,  quia  solidam  vitae  futurae  spem  nondum  conceperint:  alios  torpere,  quia  in  illis  spiritus  ardorem  inanes  mundi  curae  suffocant.  Quid  autem  morborum  contagionem  ab  aliis  ad  nos  sponte  accersere  iuvat,  quum  in  promptu  sit  remedium,  modo  ne  respuatur?  Cur  non  potius  in  illa  tam  salubri  Pauli  admonitione  acquiescunt?  Nam  quum  de  Hymenaeo  et  Phileto  loquutus  esset,  quorum  lapsus  magnam  trepidationem  incutere  poterat  omnibus  piis:  statim  quod  ad  eos  fulciendos  valeat,  subiicit:  Manet  sigillum  hoc:  Novit  Dominus  qui  sui  sint  (2  Tim.  2,  19).  Ergo  ab  iniquitate  discedat  quisquis  invocat  nomen  Domini.  Quum  noti  et  celebres  fuissent  illi  duo,  fieri  non  posse  videt  Paulus,  quin  alios  suo  praecipitio  saltem  ad  nutandum  impellant.  Electos  tamen  hortatur,  ut  secure  in  Dei  tutelam  recumbant,  ac  periculum  esse  negat,  ne  insculpta  ab  ipso  salutis  nota  unquam  deleatur.  Interea,  ne  quis  ficta  invocatione  profanet  sacrum  Dei  nomen,  admonet.  Vidit  et  Ioannes  hoc  scandalum  ab  iis  scilicet,  qui  [pag.  70]  impiae  doctrinae  venenum  spargendo  ecclesiae  tunc  vehementer  nocebant.  Sed  dum  id  fieri  testatur  (1  Ioann.  2,  19),  ut  palam  sit  non  esse  omnes  ex  piorum  coetu,  qui  nomen  sibi