58:55  55  TROISIEME  SERMON  56  ietter  leurs  brocards  a  l'encontre  de  Dieu,  e;t  leurs  calomnies,  pour  pervertir  tout,  et  pour  rendre  ceste  doctrine  odieuse,  ne  trouvons  point  cela  estrange:  car  il  faut  qu'ils  se  declarent  estre  reprouvez.  I'ay  desia  dit  qu'il  nous  faut  acquiescer  a  ce  conseil  eternel  de  Dieu,  par  lequel  il  en  a  eleu  les  uns,  et  reprouve  les  autres.  Si  maintenant  les  reprouvez  vienent  a  batailler  a  l'encontre  de  la  verite  de  Dieu,  ce  n'est  rien  de  nouveau:  car  ils  sont  destinez  a  cela,  et  il  faut  qu'ils  se  declarent  tels  qu'ils  sont:  et  qu'il  nous  souviene  de  ceste  sentence  d'Osee,  laquelle  est  mise  en  la  fin  de  son  livre,  Les  voies  du  Seigneur  sont  bonnes  et  droites,  aussi  les  iustes  chemineront  en  icelles:  mais  les  meschans  y  trebuscheront.  Or  il  adiouste  aussi,  Qui  est  le  sage  qui  entendra  ceci?  et  qui  est  l'homme  prudent  qui  entendra  ces  choses?  Le  Prophete  monstre  que  quand  on  parle  des  iugemens  de  Dieu,  il  faut  que  nous  aions  une  sagesse  speciale  pour  les  recevoir:  et  ceste  sagesse  la  se  trouvera-elle  en  tous  cerveaux?  Il  s'en  faut  beaucoup.  Ainsi  donc,  il  faut  que  nous  aions  une  sagesse  qui  nous  soit  donnee  par  la  pure  misericorde  de  Dieu.  Or  ce  qui  s'ensuit,  est  pour  monstrer  que  c'est  une  grande  singularite,  quand  les  hommes  seront  dociles  et  modestes,  et  qu'ils  se  laisseront  conduire  a  Dieu,  qu'ils  se  laisseront  gouverner  par  sa  Parole,  qu'ils  en  recevront  pleine  instruction,  qui  leur  sera  une  bonne  pasture  pour  leurs  ames,  quand  cela  y  sera,  il  faut  recognoistre  une  telle  singularite  de  Dieu,  et  nous  asseurer  qu'il  nous  a  benis.  Et  pourtant  il  faut  que  nous  soions  munis  contre  tous  scandales,  si  nous  voions  que  les  meschans  vienent  hurter  des  cornes  contre  Dieu,  et  abaier  et  monstrer  les  dents  comme  des  chiens  mastins,  quand  ils  ne  peuvent  mordre,  que  nous  pratiquions  ceste  doctrine  du  Prophete,  quand  il  dit  que  les  voies  de  Dieu  sont  droites  et  bonnes,  voire  et  que  les  iusles  chemineront  en  icelles.  Nous  trouverons  tousiours,  moyennant  que  nous  n'aions  point  un  esprit  malin  et  pervers,  qui  nous  destourne  de  Dieu:  mais  que  nous  soions  paisibles,  et  que  nous  ne  demandions  sinon  que  nostre  Seigneur  nous  monstre  le  chemin  que  nous  devons  suivre:  quand  nous  serons  tels,  il  est  certain  que  nous  trouverons  plat  pais  tousiours,  et  ne  sera  question  que  de  nous  pourmener  et  prendre  esbat.  Voila,  di-ie,  la  resiouissance  que  nous  aurons,  quand  nous  cheminerons  aux  voies  du  Seigneur:  mais  a  l'opposite,  il  est  dit  que  les  meschans  trebuscheront,  et  ou?  Sera-ce  en  enfer?  Sera-ce  en  la  voye  du  diable?  Il  est  dit  que  ce  sera  aux  voyes  propres  de  Dieu,  que  tout  ce  que  on  leur  proposera  des  iugemens  de  Dieu,  de  son  conseil  eternel,  de  sa  providence,  et  de  l'amour  paternelle  qu'il  porte  a  ses  enfans:  en  tout  cela,  dit-il,  les  meschans  trebuscheront.  Ainsi,  que  nous  soions  tellement  confermez,  que  toutes  les  ruines  et