56:55  55  GENESE.  sence  d'Esau  ton  frere.  2.  Iacob  donc  dit  a  sa  famille,  et  a  tous  ceux  qui  estoyent  avec  luy,  Ostez  les  dieux  estranges  qui  sont  entre  vous,  et  vous  lavez,  et  changez  vos  vestemens.  3.  Et  nous  levons  pour  monter  en  Beth-el,  et  ie  feray  illec  un  autel  au  Dieu  qui  m'a  respondu  au  iour  de  ma  tribulation,  et  a  este  avec  moy  en  la  voye,  par  laquelle  i'ay  chemine.  4.  Adonc  baillerent  a  Iacob  tous  les  dieux  estranges  qui  estoyent  en  leur  main,  et  les  aureillettes  qui  estoyent  en  leurs  aureilles,  lequel  les  cacha  sous  un  chesne  aupres  de  Sichem.  5.  Puis  se  partirent:  et  Dieu  envoya  une  frayeur  sur  les  villes  qui  estoyent  a  l'environ  d'eux,  tellement  qu'ils  ne  poursuyvirent  point  les  enfans  de  Iacob.  6.  Ainsi  Iacob,  luy  et  tout  le  peuple  qui  estoit  avec  luy,  veint  en  Luz,  qui  est  en  la  terre  de  Chanaan,  laquelle  est  Beth-el.  7.  Et  ed  i  sia  la  un  autel,  et  appela  le  lieu,  Dieu  de  Beth-el:  car  les  Anges  luy  avoyent  este  la  manifestez,  quand  il  s'enfuyoit  de  devant  son  frere.  8.  Alors  mourut  Debora  la  nourrice  de  Rebecca,  et  fut  ensevelie  au  dessus  de  Bethel,  sous  un  chesne:  le  nom  duquel  fut  appele  Alonbacuts.  9.  Derechef  Dieu  apparut  a  Iacob,  quand  il  venoit  de  Padan-Aram,  et  le  benit,  et  luy  dit,  10.  Ton  nom  est  Iacob,  ton  nom  ne  sera  plus  appele  Iacob,  ains  ton  nom  sera  Israel  :  il  appela  donc  son  nom  Israel,  ll.  Puis  Dieu  luy  dit,  Ie  suis  le  Dieu  tout-puissant,  fructifie  et  multiplie:  gens  et  amas  de  peuples  viendront  de  toy,  et  des  Rois  sortiront  de  tes  reins.  12.  Et  la  terre  que  i'ay  donnee  a  Abraham  et  a  Isaac,  ie  te  la  bailleray  :  et  la  donneray  a  ta  semence  apres  toy.  13.  Ainsi  Dieu  remonta  d'avec  luy,  du  lieu  auquel  il  avoit  parle  a  luy.  14.  Et  Iacob  dressa  une  statue  au  lieu  auquel  il  avoit  parle  avec  luy,  une  statue  de  pierre:  et  fit  au  dessus  une  aspersion,  et  versa  de  l'huile  sur  icelle.  15.  Iacob  donc  appela  le  nom  du  lieu  (auquel  Dieu  avoit  parle  a  luy)  Beth-el.  16.  Ea  apres  ils  partirent  de  Beth-el,  et  y  avoit  encore  environ  une  demie  lieue  de  pays  pour  venir  en  Ephrata:  lors  Rachel  enfanta,  et  eut  difficulte  en  son  enfantement.  17.  Et  comme  elle  estoit  au  travail  de  son  enfantement,  la  sage  femme  luy  dit,  Ne  crain  point,  car  ce  te  sera  encore  ici  un  fils.  18.  Et  au  departement  de  son  ame,  quand  elle  mouroit,  elle  appela  son  nom  Ben-oni,  mais  son  pere  l'appela  Ben-iamin.  19.  Ainsi  mourut  Rachel,  et  fut  enseveli  au  chemin  d'Ephrata,  laquelle  est  Bethlehem.  20.  Et  Iacob  fit  un  monument  sur  son  sepulchre:  c'est  l'enseigne  du  sepulchre  de  Rahel,  iusques  auiourd'huy.  21.  Puis  Israel  se  partit,  et  tendit  son  tabernacle  outre  la  tour  d'Eder.  22.  Et  adveint  quand  Israel  habitait  en  ce  pays  la,  que  Ruben  s'en  alla  et  dormit  avec  Bala  concubine  de  son  pere:  ce  qu'Israel  entendit.  Or  les  enfans  de  Iacob  estoyent  douze.  23.  Les  fils  de  Lea,  Ruben  premier  ne  de  Iacob,  Simeon,