54:55  55  SERMON  V  56  rer  eo  perplexite  et  angoisse.  Mais  S.  Paul  adiouste  la  vocation,  par  laquelle  Dieu  nous  a  manifeste  son  conseil,  qui  auparavant  nous  estoit  incognu,  et  auquel  nous  ne  pouvions  parvenir.  Comment  doncques  scaurons-nous  que  nous  serons  eleus  de  Dieu  pour  nous  resiouir  en  luy,  et  pour  nous  glorifier  de  la  bonte  qu'il  nous  a  monstree?  Ceux  qui  parlent  de  l'election  de  Dieu  a  l'estourdie,  laissent  la  l'Evangile,  ils  laissent  tout  ce  que  Dieu  nous  met  en  avant  pour  nous  amener  a  soy,  tous  les  moyens  qu'il  nous  a  ordonnez,  et  qu'il  cognoist  nous  estre  propres  et  utiles  a  nostre  usage.  Ce  n'est  pas  ainsi  qu'il  nous  y  faut  proceder:  mais  conioignons,  suivant  la  regle  de  sainct  Paul,  a  l'election  eternelle,  la  vocation.  Or  ce  mot  de  Vocation,  signifie  autant  qu'Appel:  il  est  vray  qu'il  est  tire  du  Latin,  mais  il  faut  que  ceux  qui  ne  sont  point  letrez,  cognoissent  ce  quril  emporte.  Or  donc  il  est  dit  que  nous  sommes  appelez:  aussi  il  y  a  le  mot  second,  qui  signifie  l'Appel.  Dieu  donc  nous  appelle:  et  comment?  C'est  quand  il  luy  plaist  nous  certifier  de  nostre  election,  laquelle  autrement  nous  seroit  incomprehensible.  Car  qui  est-ce  qui  entrera  au  conseil  de  Dieu?  (comme  dit  le  Prophete  Isaie,  et  comme  aussi  sainct  Paul  en  parle)  Mais  quand  il  plaist  a  Dieu  de  se  communiquer  priveement  a  nous,  alors  nous  avons  ce  qui  surmonte  tous  sens  humains:  car  nous  avons  un  bon  tesmoin  et  fidele,  c'est  ascavoir  le  8.  Esprit  qui  nous  eleve  par  dessus  le  monde,  et  nous  introduit  iusques  aux  secrets  admirables  de  Dieu.  Maintenant  donc  nous  voyons  qu'il  ne  nous  faut  pas  cruement  parler  de  l'election  de  Dieu,  pour  dire,  Nous  sommes  predestinez:  mais  il  faut  pour  estre  bien  asseurez  de  nostre  salut,  que  nous  n'enquerions  point  en  l'air  ni  a  la  volee,  ascavoir  si  Dieu  nous  tient  du  nombre  des  siens  ou  non.  Que  faut-il  donc?  Regardons  l'Evangile  qui  nous  est  propose:  la  Dieu  nous  monstre  qu'il  nous  est  Pere,  et  qu'il  nous  a  marquez  afin  de  nous  amener  a  l'heritage  de  vie:  et  ceste  cognois8ance-la  nous  est  une  signature  du  S.  Esprit  en  nos  coeurs,  et  un  tesmoignage  certain  de  nostre  salut,  voire  quand  nous  le  recevons  par  foy.  Car  l'Evangile  se  presche  a  beaucoup,  qui  neantmoins  sont  reprouvez:  et  mesmes  Dieu  descouvre  et  declare  qu'il  les  a  maudits,  qu'ils  n'ont  point  de  part  ni  portion  en  son  royaume,  pource  qu'ils  resistent  a  l'Evangile,  et  qu'ils  repoussent  la  grace  qui  leur  est  offerte.  Mais  quand  nous  recevons  en  obeissance  de  foy  la  doctrine  de  Dieu,  et  que  nous  sommes  appuyez  sur  les  promesses,  que  nous  acceptons  cest  offre  qu'il  nous  fait  de  nous  tenir  pour  ses  enfans,  voila  (di-ie)  une  vraye  certitude  de  nostre  election.  Or  cependant  il  nous  faut  noter  que  quand  nous  avons  cognoissance  de  nostre  salut  par  ce  que  nous  sommes  appelez,  et  que  Dieu  nous  illumine  en