51:55  55  SERMONS  56  purger  de  ce  qui  les  empeschoit  de  recevoir  la  pure  doctrine  de  l'Evangile  en  simplicite.  Notons  bien  donc  que  iamais  nous  ne  serons  bons  disciples  de  nostre  Seigneur  Iesus  Christ,  que  toute  vaine  gloire  ne  soit  abatue  en  nous:  mais  surtout  l'ambition,  c'est  a  dire  ceste  folle  convoitise  d'estre  elevez  entre  les  hommes,  c'est  la  peste  la  plus  mortelle  qui  puisse  estre  en  ceux  qui  ont  la  charge  d'enseigner:  car  il  est  impossible  qu'ils  ne  s'abandonnent  a  tout  mal,  quand  ils  sont  ainsi  poussez  au  vent,  et  qu'ils  ne  demandent  sinon  a  acquerir  quelque  bruit  et  renom  entre  les  hommes,  et  qu'on  leur  applaudisse.  Mais  devant  que  passer  outre,  notons  que  l'Escriture  condamne  toute  gloire  comme  vaine  et  perverse,  quand  les  hommes  se  veulent  faire  valoir  en  eux.  Les  Payens  appellent  vaine  gloire  quand  celuy  qui  est  un  poure  sot  veut  faire  de  l'habile  homme,  quand  un  poure  belistre  veut  faire  du  riche,  quand  un  qui  n'aura  ni  dexterite,  ni  industrie,  ni  honnestete  aucune,  voudra  faire  de  Parrogant,  et  voudra  estre  repute  sage,  qu'il  sera  la  avec  un  visage  refrongne,  tellement  qu'on  ne  Posera  pas  regarder,  sous  ombre  qu'il  viendra  la  ietter  ses  bouffees  et  son  gros  estomach.  Quand  donc  les  gens  ce  conte  font  et  se  desguisent  ainsi  pour  tromper  le  monde,  les  Payens  disent  que  ceste  gloire  est  vaine  sotte:  mais  le  sainct  Esprit  passe  plus  outre:  car  encores  que  nous  ayons  grand  esprit  et  subtilite:  encores  que  nous  ayons  richesses  a  plente,  que  nous  ayons  de  grandes  vertus,  que  nous  ayons  tout  ce  qui  est  possible  pour  nous  faire  renommer  :  tant  y  a  que  si  nous  prenons  cela  a  nous,  que  nostre  gloire  est  vaine.  Et  pourquoy?  Car  nous  sommes  sacrileges,  ravissans  a  Dieu  l'honneur  qui  luy  appartient,  car  quand  il  se  reserve  le  tout,  la  gloire  que  les  hommes  prennent  est  perverse,  quand  ils  se  veulent  glorifier  en  leurs  personnes.  Ainsi  apprenons,  pour  estre  purgez  de  ce  vice,  d'attribuer  a  Dieu  toute  louange,  scachans  que  tout  bien  procede  de  luy:  comme  nous  avons  veu  par  cidevant,  que  celuy  qui  est  sage,  ne  se  doit  point  glorifier  neantmoins  en  soy,  non  plus  que  celuy  qui  est  riche,  qu'il  faut  que  toute  dignite  des  hommes  soit  abatue,  et  que  Dieu  soit  regarde  de  loin,  et  que  tous  grans  et  petis  recognoissent  qu'ils  tiennent  tout  de  luy,  et  qu'ils  defaillent  en  euxmesmes:  et  s'il  a  commence,  qu'il  faut  qu'il  parface,  et  qu'il  n'y  a  celuy  qui  n'ait  beaucoup  de  taches:  et  que  toute  nostre  gloire  soit  que  Dieu  nous  recoive  a  merci  :  et  au  reste,  qu'il  nous  gouverne  tellement  par  son  sainct  Esprit,  qu'on  appercoive  que  nous  ne  sommes  point  despouillez  de  ses  graces.  Or  nous  avons  desia  declare  que  nous  ne  pouvons  estre  disciples  de  nostre  Seigneur  Iesus,  sinon  que  nous  soyons  bien  purgez  de  nostre  me-