45:55  55  HARMONIA  EVANGELICA.  56  iamitis  nullam  daturos  uxorem.  Si  hoc  lege  praescriptum  esset,  inquiunt,  nihil  opus  erat  nova  sanctione.  Ego  autem  respondeo,  perperam  et  inscite  hoc  extraordinarium  ab  illis  in  communem  regulam  trahi:  necesse  enim  erat,  excisa  una  tribu,  mutilum  fieri  populi  corpus,  nisi  alio  remedio  subventum  ultimae  necessitati  foret.  Non  est  igitur  lex  communis  hic  spectanda.  Obiiciunt  praeterea,  Mariam  Christi  matrem  cognatam  fuisse  Elisabeth,  quum  prius  testatus  est  Lucas,  fuisse  ex  filiabus  Aaron.  Hic  quoque  facilis  est  responsio,  puellis  ex  tribu  Iuda  vel  alia  qualibet  licitum  fuisse,  abnubere  in  tribum  sacerdotalem:  quia  non  impediebat  illa  ratio,  quae  in  lege  exprimitur,  ne  scilicet  mulier  haereditatem  suam  alio  quam  ad  tribules  suos  transferret.  Sic  uxorem  Ioiadae,  summi  sacerdotis,  sacra  historia  ex  regio  genere  ortam  fuisse  narrat  (2.  Paral.  22,  l  l  )  .  Nihil  ergo  mirum  vel  insolitum,  si  mater  Elisabeth  elocata  fuit  sacerdoti.  Si  quis  haec  ad  plenam  certitudinem  valere  neget,  ut  statuere  liceat,  Mariam  fuisse  tribulem  Ioseph,  quia  fuit  eius  uxor,  equidem  concedo,  non  simpliciter  id  probari  ex  nuda,  qualis  hic  legitur,  narratione,  nisi  aliae  circumstantiae  accederent.  Sed  primo  notandum  est,  evangelistas  de  rebus  sua  aetate  notis  loqui.  Ita  quum  genus  Ioseph  usque  ad  Davidem  contextum  esset,  promptum  cuivis  fuit,  Mariae  genus  inde  elicere.  Nec  dubium  est,  quin  evangelistae  vulgari  saeculi  sui  notitia  freti  ideo  minus  curiosi  fuerint.  Nam  si  quis  dubitaret,  non  difficilis  nec  longa  erat  inquisitio.  Ad  haec  pro  confesso  sumpserunt  Ioseph,  quum  vir  probus  esset  ac  modestus,  uxorem  ex  legis  praescripto  non  nisi  e  familia  sua  duxisse.  Quanquam  ne  illa  quidem  lex  communis  ad  regium  Mariae  genus  probandum  sufficeret:  potuit  enim  Maria  ex  tribu  Iuda  progenita  esse,  ut  tamen  non  descenderet  ex  stirpe  Davidis.  Itaque  sic  conbtituo,  evangelistas  piorum  rationem  habuisse,  qui  non  contentiose  litigarent,  sed  in  persona  Ioseph  agnoscerent  Mariae  genus,  praesertim  quum,  ut  nuper  diximus,  eo  saeculo  minime  dubia  esset.  Poterat  autem  videri  incredibile,  pauperculos  istos  et  despectos  coniuges  esse  ex  posteris  Davidis,  et  regium  illud  semen,  ex  quo  oriturus  erat  redemptor.  Nunc  si  quis  roget,  an  genealogia,  qualis  a  Matthaeo  et  Luca  describitur,  clare  et  sine  controversia  demonstret,  Mariam  ex  stirpe  Davidis  originem  duxisse,  fateor  id  non  posse  certo  colligi:  sed  quum  tunc  non  obscura  esset  Mariae  et  Ioseph  cognatio,  evangelistae  hac  in  parte  magis  securi  fuerunt.  Interea  propositum  ambobus  fuit,  offendiculum  tollere,  quod  ignobilitas  et  contemptus  et  inopia  tam  Ioseph  quam  Mariae  pariebat,  quominus  in  illis  quidquam  regium  posset  agnosci.  Porro  quod  Mariae  genus  a  Luca  referri  fingunt  praeterito  Ioseph,  id  nullo  negotio  refellitur.  Sic  enim  ad  verbum  scribit,  Censebatur  Iesus  filius