42:55  55  SERMON  XXXVIII.  56  une  telle  connoissance,  faut  il  que  tu  declines  de  la  vocation  a  laquelle  il  t'appele,  et  que  tu  sois  esbranle,  s'il  advient  quelque  petite  tentation.  Voila  donc  comme  il  faut  que  l'homme  fidele  se  redargue  et  se  condamne,  et  puis  quand  nous  sentons  que  nous  sommes  si  foibles,  que  nous  prions  Dieu  qu'il  nous  fortifie  par  son  sainct  Esprit,  a  fin  que  nous  ne  defaillans  point  par  l'infirmite  de  nostre  chair,  pour  quelques  tentations  qui  nous  adviennent.  Voila  donc  ce  que  nous  avons  a  recueillir  de  ce  passage,  quand  il  est  dit,  que  ceux  qui  ont  conneu  leur  Dieu,  que  ceux  la  ne  fleschiront  point  pour  aucunes  persecutions.  Or  qu'elle  honte  maintenant  sera  ce  a  nous,  quand  nous  aurons  proteste  de  connoistre  Dieu  par  l'Evangile  qui  nous  est  preschee,  et  cependant  qu'il  ne  faille  qu'une  bouffee  de  vent  pour  nous  rompre  le  courage:  quand  cela  y  sera  ie  vous  prie  quelle  excuse  aurons  nous,  quand  nous  ferons  comparaison  de  nous  avec  ceux  lesquels  l'ange  parle  ici?  Car  (comme  desia  nous  avons  touche)  Dieu  ne  donnoit  qu'une  petite  estincelle  de  sa  verite,  a  ceux  qui  ont  vescu  sous  l'ancien  testament,  et  toutesfois  cette  petite  estincelle  qu'ils  ont  eu,  ha  en  telle  vertu,  qu'ils  ont  este  victorieux  contre  toutes  tentations.  Auiourd'huy  Dieu  nous  enseignera  a  pleine  bouche,  il  ne  laisse  rien  de  tout  ce  qui  est  propre  pour  nostre  salut,  il  y  ha  cette  perfection  de  sagesse,  dont  parle  Sainct  Paul,  Que  les  anges  mesmes  ont  en  admiration,  de  laquelle  ils  sont  estonnes,  quand  ils  voient  que  Dieu  desploie  ainsi  ses  graces  sur  son  Eglise  chrestienne,  et  de  nostre  coste,  apres  avoir  fait  protestation,  que  nous  sommes  pleins  de  doctrine,  que  nous  n'avons  point  de  defaut  de  tout  ce  qui  est  propre  pour  nous  enseigner,  si  sur  cela  nous  n'avons  nulle  connoissance  de  Dieu,  que  nous  soions  comme  abrutis,  ne  faut  il  pas  que  nous  soions  plus  qu'inexcusables?  Ainsi  donc  notons  bien  ce  second  membre  qui  est  ici  mis,  c'est  a  scavoir  que  ceux  qui  ont  peche  se  sont  portes  laschement  en  l'alliance  de  Dieu,  il  ne  leur  reste  donc  que  d'estre  condamnes  comme  traistres  desloiaux  et  apostats,  comme  gens  qui  ont  falsifie  la  promesse  qu'ils  avoient  donnee  a  leur  Dieu,  comme  gens  qui  n'ont  eu  nul  courage  a  maintenir  une  si  bonne  querele,  et  tousiours  il  nous  faut  retenir  cette  comparaison  que  nous  avons  touchee,  car  si  ceux  qui  ont  vescu  sous  l'ancien  testament,  ont  este  condemnes  de  laschete,  combien  qu'ils  n'eussent  que  ses  umbrages  obscurs,  qu'ils  n'ont  point  eu  le  corps  et  la  substance  telle  que  nous  avons  auiourd'huy,  qu'ils  n'eussent  gueres  de  connoissance,  si  ceux  la  sont  condemnes  et  qu'ils  aient  une  sentence  si  horrible  sur  leurs  testes,  ie  vous  prie  que  sera-ce  de  nous?  faudra  il  que  Dieu  nous  espargne,  quand  non  seulement  il  ha  contracte  avec  nous  son  alliance,  mais  quand  il  ha  ratifie  par  ie