4:55  55  INSTITUTION  CHRESTIENNE.  56  empeschez  de  comprendre  les  mysteres  de  Dieu,  lesquels  ne  sont  point  revelez  sinon  aux  petis.  Mesme  ce  n'est  point  la  chair  et  le  sang  qui  les  revele  (Matth,  l  l  ,  25;  Luc  10,  21;  Matth.  16,  17):  et  l'homme  naturel  n'est  point  capable  d'entendre  les  choses  spirituelles:  mais  au  contraire  ce  luy  est  folie  de  la  doctrine  de  Dieu,  d'autant  qu'elle  ne  peut  estre  cognue  que  spirituellement  (1  Cor.  2,  14).  Pourtant  l'aide  du  sainct  Esprit  nous  est  en  cest  endroit  necessaire,  ou  plustost  il  n'y  a  que  sa  seule  vertu  qui  regne  icy.  Il  n'y  a  nul  homme  qui  ait  cognu  le  secret  de  Dieu,  ou  ait  este  son  conseillier:  mais  l'Esprit  enquiert  de  tout,  iusques  aux  choses  cachees,  1)  par  lequel  nous  cognoissons  la  volonte  de  Christ  (Rom.  11,  34;  1  Cor.  2,  10.  IG).  Nul  ne  peut  venir  a  moy,  dit  le  Seigneur  Iesus,  sinon  que  le  Pere  qui  m'a  envoye,  l'attire.  Quiconques  donc,  dit-il,  a  escoute  mon  Pere,  et  a  apprins  de  luy,  il  vient  a  moy:  non  pas  que  personne  ait  veu  le  Pere,  sinon  celuy  qui  est  envoye  de  Dieu  (Iean  6,  44.  45).  Comme  donc  nous  ne  pouvons  approcher  de  Christ,  sinon  estans  tirez  par  l'Esprit  de  Dieu:  aussi  quand  nous  sommes  tirez,  nous  sommes  totalement  ravis  par  dessus  nostre  intelligence.  Car  l'ame  estant  par  luy  illuminee,  recoit  quasi  un  oeil  nouveau  pour  contempler  les  secrets  celestes,  de  la  lueur  desquels  elle  estoit  au  paravant  esblouye.2)  Par  ainsi  l'entendement  de  l'homme  estant  esclarcy  par  la  lumiere  du  sainct  Esprit,  commence  lors8)  a  gouster  les  choses  qui  appartiennent  au  royaume  de  Dieu,  desquelles  il  ne  pouvoit  au  paravant  avoir  aucun  sentiment.  Parquoy  nostre  Seigneur  Iesus  Christ,  combien  qu'il  declaire  les  mysteres  de  son  royaume  tresbien  et  proprement  aux  deux  disciples,  dont  fait  mention  sainct  Luc  :4)  toutesfois  il  ne  profite  de  rien,  iusques  a  ce  qu'il  leur  ouvre  le  sens  pour  entendre  les  Escritures  (Luc  24,  27.  45;  Iean  16,  13).  En  ceste  maniere,  apres  que  les  Apostres  ont  este  instruits  de  sa  bouche  divine,  encore  est-il  besoin  que  l'Esprit  de  verite  leur  soit  envoye,  lequel  donne  entree  en  leurs  entendemens  a  la  doctrine  qu'ils  avoyent  receue  des  oreilles  paravant.  La  parolle  de  Dieu  est  semblable  au  soleil:  car  elle  reluit  &  tous  ceux  ausquels  elle  est  annoncee,  mais  c'est  sans  efficace  entre  les  aveugles.  Or  nous  sommes  tous  aveugles  naturellement  en  cest  endroit:  pourtant  elle  ne  peut  entrer  en  nostre  esprit,  sinon  que  l'Esprit  de  Dieu,  qui  est  le  Maistre  interieur,  luy  donne  acces  par  son  illumination.  35.5)  Quand  il  nous  a  par  cy  devant  fallu  1)  iusques  aux  choses  cachees,  le  texte  latin  dit:  etiam  profunda  Dei.  2)  Le  latin  ajoute:  in  se  ipsa.  3)  Le  latin  ajoute:  vere  demum.  4)  dont  fait  mention  sainct  Luc,  n'est  pas  dans  le  latin.  5)  Le  §.  35  appartient  a  la  redaction  de  1559.