37:55  55  IN  ISAIAM  56  diu  orba  et  solitaria  fuisset:  vel  turmatim  ad  eam  redituros  qui  per  longinqua  exsilia  dispersi  fuerant.  Opponenda  igitur  est  illi  vastitati  restitutio  quae  per  Cyrum  facta  est,  ubi  dicitur,  Ecce  veniunt.  Et  sub  nomine  Primi  non  modo  aeterna  Dei  essentia,  sed  etiam  vaticinii  antiquitas  notatur.  Adiungit  quomodo  fideles  Deus  edoceat  de  rebus  futuris,  nempe  opera  et  ministerio  prophetarum.  "IBO��  Hieronymus  vertit  evangelistam,  sed  proprie  nuntium  significat:  parum  tamen  interest,  quod  ad  sensum  spectat.  Prophetas  enim  denotat  qui  laetum  ac  optatum  huius  liberationis  nuntium  perferent,  sicuti  ante  per  Mosen  promiserat  Deus  se  per  continuas  successiones  excitaturum  fideles  ministros,  qui  magis  omnibus,  ariolis  et  divinis  longe  praecellerent.  Unde  etiam  prius  insigni  titulo  ecclesiam  ornabat,  annuntiatricem  vocans:  quoniam  in  ea  resonare  debet  verbum  Dei  :  quod  plurimum  valet  ad  commendationem  praedicationis.  Nec  enim  Dominus  e  coelo  descendit  ut  nos  doceat:  sed  utitur  ministerio  servorum  suorum,  atque  ipsorum  ore  se  loqui  pronuntiat.  Hoc  autem  insigne  beneficium  Dei  a  nobis  toto  animo  complectendum  est.  Promiserat  in  lege  (Deut.  18,  15),  ut  nuper  attigi  :  Suscitabo  vobis  prophetam  de  medio  vestri.  Nunc  promissionem  istam  confirmat,  quum  ait,  nuntios  minime  defuturos  qui  populum  sublevent  in  suis  moeroribus,  et  in  summis  illis  angustiis  consolentur.  Hic  etiam  constituendum,  nullam  esse  ecclesiae  formam,  ubi  prophetiae  cessant  :  id  est,  ubi  nulla  miseriis  nostris  ex  verbo  Dei  allevatio  affertur.  28.  (Aspexi,  nec  ullus.)  Postquam  de  se  loquutus  est  Dominus,  ad  idola  revertitur.  Sunt  enim  perpetuae  antitheses,  quibus  Deus  idolis  opponitur,  perinde  ac  si  diceret:  Haec  a  me  fiunt,  ab  idolis  vero  fieri  non  possunt.  Nihil  enim  omninp  iis  consilii,  prudentiae  vel  intelligentiae  est:  nullum  responsum  interrogantibus  dare,  nullam  allevationem  miseris  afferre  possunt.  Atque  in  ista  comparatione  tenendum  est,  primum  per  prophetas  et  eorum  doctrinam  facile  ostendere  se  esse  Deum,  deinde  similiter  quoque  operibus:  in  idolis  vero  nihil  tale  reperiri.  Sequitur  ergo  non  esse  deos,  nosque  in  hoc  uno  defixos  esse  oportere.  Caeterum  hebetantur  hominum  oculi  socordia,  quod  neque  interrogent,  neque  considerent,  neque  observent.  Obstupescunt  ergo  in  idolis:  quia  sponte  hallucinantur.  Nam  protinus  vanitatem  deprehenderent,  si  diligentiam  in  considerando  adhiberent.  Unde  apparet  idolorum  cultores  ignorantiae  praetextu  excusari  non  posse:  quia  caeci  esse  atque  in  tenebris  errare  quam  lucem  intueri  et  veritatem  amplecti  malunt.  29.  (Ecce  omnes  vanitas.)  Postquam  loquutus  est  de  idolis,  idem  pronuntiat  de  ipsorum  cultoribus:  quemadmodum  etiam  Psal.  115  (v.  8)  habetur:  Similes  eis  fiunt  qui  faciunt  ea,  et  omnes  qui  sperant