35:55  55  SERMON  CXXIII  56  ainsi  traittez.  Nous  devons  donc  demeurer  en  suspens,  et  ne  point  murmurer,  ne  lascher  la  bride  a  nos  passions.  Iob  a  failli  en  ces  deux  choses-la.  Car  combien  qu'il  se  cognust  pecheur:  si  est-ce  toutes  fois  qu'il  n'a  point  donne  a  Dieu  telle  gloire  qu'il  luy  est  deu.  La  raison?  C'est  qu'il  n'a  point  assez  medite  cest  article-la,  Que  Dieu  le  pouvoit  affliger  plus  rigoreusement  beaucoup  (s'il  eust  voulu)  voire  a  cause  de  ses  pechez  mesmes.  Et  puis  nous  avons  veu  qu'il  s'est  iette  comme  aux  champs,  qu'il  s'est  despite  en  soy,  Et  que  veut  dire  Dieu?  et  ie  suis  ici  une  povre  creature,  et  faut-il  qu'il  desploye  son  bras  contre  moy?  et  y  a-il  nul  propos?  Il  sembloit  donc  qu'il  voulust  accuser  Dieu  de  quelque  tyrannie  :  non  pas  qu'il  fist  ceste  conclusionla,  mais  il  en  a  este  tente  neantmoins.  Voila  en  quoy  Iob  a  failli:  et  pourtant  ce  n'est  point  sans  cause  qu'Eliu  lui  dit,  Comment?  Tu  fes  voulu  iustifier,  comme  si  tu  estois  sans  iniquite,  si  tu  estois  pur  et  net.  En  cela  (dit-il)  tu  ne  seras  iamais  absous,  et  ne  gaigneras  point  ta  cause.  Or  donc  pour  faire  nostre  profit  de  ceste  doctrine,  retenons  que  si  Dieu  nous  punit  a.  cause  de  nos  pechez,  il  faut  en  premier  lieu  passer  condamnation.  Et  c'est  le  plus  expedient  que  cela:  car  si  nous  voulons  estre  iustifiez  devant  Dieu,  que  faut-il  faire,  sinon  de  regarder  a  nostre  vie,  et  cognoistre  quand  nous  avons  offense  nostre  Dieu  en  tant  de  sortes,  que  nous  sommes  bien  dignes  d'estre  batus  de  ses  verges?  Toutes  fois  si  Dieu  a  quelque  autre  regard  pour  nous  affliger,  et  qu'il  nous  traite  plus  rudement  qu'il  ne  fait  pas  ceux  qui  sont  du  tout  desbordez  a  mal,  ceux  qui  se  mocquent  pleinement  de  sa  maieste:  notons  que  ce  n'est  point  a  cause  de  nos  pechez  qu'il  le  fait.  Pourquoy  donc?  Il  veut  nous  esprouver,  il  veut  savoir  si  nous  sommes  du  tout  siens:  car  cependant  que  les  choses  vont  a  nostre  appetit,  que  savonsnous  si  nous  sommes  prests  de  servir  a  Dieu,  ou  non?  Mais  quand  il  nous  faut  renoncer  a  nostre  volonte,  qu'il  faut  captiver  tout  nostre  sens  naturel,  bref,  qu'il  faut  batailler  contre  nos  affections,  voila  quel  est  le  vray  examen  si  nous  servons  a  Dieu.  Or  donc  qu,and  cela  y  sera,  cognoissons,  II  est  vray  que  mon  Dieu  me  pourroit  abysmer  cent  mille  fois:  car  combien  qu'il  m'ait  fait  la  grace  de  cheminer  en  sa  crainte,  et  que  i'aye  tasche  de  le  servir:  tant  y  a  que  cela  ne  seroit  rien,  ie  ne  pourroye  pas  consister  une  minute  de  temps,  n'estoit  qu'il  nous  supportast  par  sa  bonte  infinie.  Or  il  me  veut  supporter,  mais  cependant  si  est-ce  qu'il  m'assuiettist  sous  sa  main,  et  me  monstre  que  ie  doy  estre  du  tout  a  luy.  Et  bien,  il  le  fait  pour  bonne  cause:  il  faut  en  cela  que  nous  ayons  la  bouche  close.  Et  puis  il  nous  faut  tenir  cois:  tellement,  qu'apres  avoir  enquis,  Et  pourquoy  est-ce