32:55  55  PSALMUS  CI.  56  quod  Deus  suum  esse  pronuntiat.  Deinde  tenendum  est,  prophetam  non  de  communi  creatione  hic  agere,  ut  alibi  diximus:  sed  de  spirituali  regeneratione  qua  imaginem  suam  in  electis  refingit.  Solos  ergo  fideles  hic  propheta  docet  esse  opus  Dei,  non  quatenus  in  utero  formati  sunt  homines,  sed  quo  sensu  Paulus  ad  Ephes.  2,  10  vocat  eos  TO  Tuocrjfjta  Dei,  quia  conditi  sunt  ad  bona  opera  quae  praeparavit  ut  in  illis  ambulent,  idque  ex  contextu  melius  liquet.  Nam  ubi  dicit  nos  esse  populum  eius  et  gregem  pascuorum  eius,  specialem  certe  gratiam  notat,  qua  sibi  Deus  in  peculium  segregavit  filios  suos,  ut  eos  tanquam  sub  alis  foveat.  Quod  multo*  praestantius  est  quam  homines  nasci.  Iam  si  quis  glorietur,  se  factum  esse  hominem  a  se  ipso  :  quis  non  detestetur  tam  putidum  sacrilegium  ?  Nec  vero  tribuere  terrenis  patribus  hoc  licet,  quod  nos  propria  virtute  genuerint:  quid  enim  efficeret  putridum  semen?  Atque  non  dubitant  maior  pars  spiritualis  vitae  laudem  ad  se  trahere.  Quorsum  enim  tendunt  liberi  arbitrii  praecones,  nisi  ut  persuadeant  propria  industria  nos  consequi  ut  filii  Dei  ex  filiis  Adae  fiamus?  Atqui  propheta  populum  Dei  nos  vocando,  gratuita  eius  bonitate  nos  spiritualiter  regenitos  esse  docet.  Per  gregem  vero  pascuorum  significat  eadem  gratia  nobis  salvum  manere  usque  ad  finem  quod  semel  datum  est.  Posset  etiam  secus  legi,  Fecit  nos  populum  suum,  ete.  sed  quia  non  mutatur  sensus,  retinui  quod  magis  receptum  erat.  4.  Ingredimini  portas  eius  cum  laude,  atria  eius  cum  exsultatione:  celebrate  eum,  benedicite  nomini  eius.  5.  Quoniam  bonus  est  Iehova,  in  saeculum  misericordia  eius,  et  usque  in  generationem  et  generationem  veritas  eius.  4.  {Ingredimini  portas.)  Clausula  exordio  fere  similis  est,  nisi  quod  mentionem  admiscet  legalis  cultus:  quo  tamen  simpliciter  admonet,  non  aliter  rite  defungi  fideles  in  gratiis  Deo  agendis,  nisi  etiam  in  solenni  pietatis  professione  se  exerceant.  Interea  templi  nomine  significat  Deum  nolle  nisi  ex  legis  suae  praescripto  coli.  Porro  ut  sciamus  assiduam  nobis  praeberi  materiam  laudandi  Dei,  dicit  misericordiam  eius  manere  in  saecula,  veritatem  quoque  eius  perpetuam.  Quum  ergo  nobiscum  ita  agere  non  desinat,  plus  quam  turpe  nobis  esset  in  solvendo  laudis  sacrificio  defatigari.  Cur  veritatem  adiungat  misericordiae,  alibi  diximus.  Nam,  ut  sumus  insipidi,  misericordiam  Dei,  dum  se  palam  exhibet,  ne  palpando  quidem  sentimus,  donec  sacrum  os  suum  ad  testandum  nobis  paternum  amorem  aperiat.