3:55  55  INSTITUTION  CHRESTIENNE.  56  à  servir  Dieu,  que  toute  affection,  quelque  desreiglée  qu'elle  soit,  suffit:  mais  ils  ne  notent  pas  que  la  vraye  religion  doit  estre  du  tout  conforme  à  la  volonté  de  Dieu,  comme  une  reigle  qui  ne  fleschit  point:  cependant,  que  Dieu  demeure  tousiours  semblable  à  soy,  et  qu'il  n'est  pas  un  fantosme  qui  se  transfigure  à  l’appetit  d'un  chacun.  Et  de  fait  on  peut  voir  à  l’oeil,  quand  la  superstition  veut  gratifier  à  Dieu,  en  combien  de  follies  elle  s'enveloppe  comme  en  se  iouant.  Car  en  retenant  soigneusement  les  choses  dont  Dieu  prononce  qu'il  ne  luy  chaut,  elle  reiette  ouvertement  ou  mesprise  celles  qu'il  recommande  comme  precieuses.  Parquoy  tous  ceux  qui  dressent  des  services  à  Dieu  à  leur  poste,  adorent  leurs  resveries  seulement:  pource  qu'ils  n'oseroyent  ainsi  apporter  à  Dieu  des  menus  fatras,  sinon  que  desia  ils  l'eussent  forgé  en  leur  moule  semblable  à  eux  pour  approuver  leurs  inventions.  Parquoy  S.  Paul  prononce  qu'une  telle  conception  qu'on  a  de  Dieu  vagabonde  et  erronnée,  est  ignorance  de  Dieu:  Pource  que  vous  ne  cognoissiez  point  Dieu,  dit-il,  vous  serviez  à  ceux  qui  n'estoyent  point  Dieu  de  nature  (Gal.  4,  8).  Et  en  l'autre  passage  il  dit