28:55  55  SERMON  CXXIX.  56  fille,  luy  ostera  son  honneur,  voire  par  force.  Ge  crime-la  est  irremissible.  Cependant  aussi  Dieu  monstre  que  les  filles  doivent  avoir  leur  chastete  autant  recommandee  que  leur  vie  propre.  Car  si  une  fille  ne  combat  pour  son  honneur,  et  pourse  maintenir  vierge,  il  est  certain  qu'elle  n'est  pas  digne  de  vivre  plus  au  monde  (comme  il  a  este  declare).  Que  si  elle  ne  crie,  et  qu'elle  se  laisse  corrompre:  qu'il  faut  qu'elle  meure  sans  remission.  Ainsi  donc  derechef  nostre  Seigneur  declare  ici  que  les  filles  doyvent  cheminer  en  telle  honnestete,  que  si  elles  ont  mauvaise  rencontre,  qu'elles  trouvent  quelque  desbaucheur  qui  les  vueille  seduire,  qu'il  ne  faut  point  qu'elles  ayent  plus  de  regard  a  leur  propre  vie  qu'a  leur  honneur:  et  que  plustost  elles  doivent  se  laisser  coupper  la  gorge,  que  leur  corps  fust  viole,  et  de  vivre  en  telle  blasme.  Voila  donc  en  somme  ce  que  nous  avons  a  retenir  de  ce  passage:  voire,  pource  que  hier  l'argument  fut  deduit  plus  au  long,  il  suffit  d'en  faire  un  petit  recueil  selon  qu'il  est  besoin  pour  les  mots  de  Moyse.  Or  ici  nous  voyons  qu'il  n'est  point  question  de  s'arrester  ni  a  la  coustume,  ni  a  la  fantasie  des  hommes.  Car  auiourd'huy  si  on  allegue  que  les  adulteres  ne  sont  point  punis,  il  semble  que  c'est  un  bouclier  suffisant  pour  s'excuser:  si  on  dit:  Qui  est-ce  qui  se  plaint?  voila  Dieu  qui  est  comme  forclos.  Il  semblera  donc  a  beaucoup  de  gens  que  c'est  une  defence  raisonnable,  quand  ils  pourront  dire,  qu'un  chacun  en  use  ainsi,  que  la  coustume  est  telle,  que  c'est  l'opinion  de  tous.  Mais  nous  voyons  au  contraire  que  Dieu  se  reserve  tousiours  son  authorite.  Combien  que  les  hommes  se  corrompent  par  abus,  combien  qu'ils  se  flattent  en  leurs  vices,  et  qu'il  leur  semble  que  tout  leur  soit  licite:  neantmoins  que  cela  ne  les  excuse  point,  que  cela  ne  derogue  point  que  Dieu  tousiours  ne  demeure  en  son  entier.  Et  ainsi,  qu'on  ne  s'arreste  plus  a  ce  qui  est  en  usage  commun,  et  qu'on  ne  s'endurcisse  point  la  dessus:  mais  regardons  a  ce  que  Dieu  a  une  fois  commande.  Car  il  faut  que  cela  suyve  son  train.  Et  de  faict,  nous  voyons  quelles  corruptions  sont  advenues  au  monde  quand  on  s'est  ainsi  destourne  de  la  parolle  de  Dieu  selon  la  phantasie  de  cestuyci,  ou  de  cestuy-la.  Voila  d'ou  sont  venues  toutes  les  superstitions:  voila  comme  auiourd'huy  les  Papistes  estans  abreuvez  de  leur  sottise,  ne  peuvent  estre  ramenez  au  droict  chemin  de  salut.  Car  il  leur  semble  qu'ils  sont  assez  armez  de  ce  subterfuge,  c'est  assavoir  que  de  longtemps  on  a  ainsi  vescu,  et  qu'ils  n'ont  point  invente  la  religion  qu'ils  tiennent  :  mais  comme  nous  avons  dit,  tout  cela  ne  servira  rien,  non  plus  ce  qu'on  alleguera:  Que  les  adulteres  auiourd'huy  ne  sont  point  punis,  et  qu'on  n'en  tient  conte.  Voire,  mais  Dieu  qui  est  le  iuge  celeste  en  la  fin  monstrera  que  ce  sont  des  enormitez  qu'il  ne  peut