27:55  55  SERMON  LXXII.  56  qu'ils  plairoyent  a  Dieu,  moyennant  qu'ils  fissent  des  singeries  a  leur  poste.  Or  au  contraire,  qu'est-ce  que  Dieu  demande  de  nous?  assavoir  que  nous  luy  soyons  suiets,  pour  dire:  Seigneur,  que  tu  domines  sur  nous,  et  que  tu  y  ayes  toute  maistrise,  tellement  que  toute  nostre  iustice,  et  sainctete  soit  de  nous  conformer  a  ta  parole,  que  nous  ne  facions  point  de  longs  circuits  pour  inventer  ceci  et  cela:  mais  que  nous-nous  contentions  de  ta  simple  volonte,  pour  nous  ranger  a,  ce  que  tu  commandes,  et  pour  porter  paisiblement  ton  ioug.  Et  si  cela  nous  semble  penible,  que  toutesfois  nous  apprenions  d'avoir  le  col  ployable,  et  de  flechir  :  c'est  la  suiettion  que  Dieu  demande  de  nous.  Quand  Moyse  dit:  N'endurcissez  plus  vos  cols,  il  redargue  les  Iuifs  de  leur  vie  passee:  comme  s'il  disoit:  C'est  assez,  et  par  trop,  que  iusques  ici  vous  ayez  este  rebelles  a  vostre  Dieu:  comme  il  leur  a  dit  par  ci  devant:  Depuis  le  iour  que  ie  vous  cognoy,  ie  n'ay  veu  que  tout  mal,  et  toute  perversite  en  vous.  Il  recite  cela  comme  une  chose  qui  leur  devoit  faire  honte.  Car  nous  ne  voulons  point  que  les  fautes  passees  nous  soyent  ramentues  :  si  tost  qu'on  en  touche,  pource  que  nous  avons  les  aureilles  delicates,  cela  nous  fasche,  et  nous  semble  que  tout  devroit  estre  enseveli,  et  que  iamais  on  n'en  devroit  faire  memoire.  Il  est  vray  que  s'il  nous  en  souvenoit  bien,  il  ne  seroit  ia  mestier  qu'on  nous  en  parlast:  mais  nous  voyons  comme  chacun  s'endort,  et  il  nous  fasche  mesmes  de  revenir  en  conte  des  offenses  que  nous  avons  commises  contre  Dieu:  nous  reiettons  cela  bien  loin,  ce  nous  est  matiere  de  melancolie:  et  toutesfois  nous  devrions  estre  attentifs,  et  de  soir,  et  de  matin  de  penser  a  nos  fautes  passees:  non  point  pour  estre  nonchallans,  ou  pour  en  tomber  en  desespoir:  mais  afin  de  gemir,  afin  d'estre  plus  soigneux  de  cheminer  autrement  que  nous  n'avons  point  fait,  afin  de  remercier  Dieu  de  sa  bonte,  d'autant  qu'il  luy  a  pleu  de  nous  corriger,  ainsi  que  nous  avons  recite  tant  de  fois.  Voila  donc  comme  les  hommes  devroyent  avoir  bonne  souvenance  de  leurs  fautes,  encores  qu'ils  n'en  fussent  point  exhortez.  Mais  quoy?  nous  les  mettons  en  oubli,  et  ne  voulons  point  qu'on  nous  en  parle  :  voila  double  vice.  Cognoissons  donc  qu'il  nous  est  utile  qu'on  nous  parle  souvent  de  nos  pechez,  et  que  la  memoire  nous  en  soit  refreschir  Voila  pourquoy  derechef  Moyse  dit  :  N'endurcissez  plus  vos  coeurs.  Il  n'exhorte  pas  simplement  les  Iuifs:  mais  il  les  accuse  quant  et  quant,  et  leur  monstre  que  iusques  ici  ils  s'estoyent  si  mal  portez,  qu'il  falloit  bien  qu'ils  cogneussent  que  c'estoit  en  vain  qu'ils  se  glorifioyent  d'estre  le  peuple  de  Dieu.  Au  reste,  afin  que  nous  apprenions  de  prattiquer  ceste  doctrine  comme  il  appartient,  cognoissons  que  ceux  qui  se  veulent  endurcir  a  mal,  il  faudra  que  Dieu  les  ruine,  et  qu'il  leur  face  sen-