26:55  55  SERMON  XV.  56  reste,  que  nous  ayons  tousiours  cela,  d'esperer  que  Dieu  nous  assistera,  quand  nous  maintiendrons  une  Querelle  qui  sera  bonne  et  iuste,  et  que  Dieu  approuve.  C'est  ce  que  nous  avons  a  retenir,  quand  il  est  dit  que  Og  s'est  avance,  et  est  venu  assaillir  le  peuple  d'Israel  sans  qu'il  luy  demandast  rien,  voire  pour  empescher  le  passage  que  Dieu  donnoit  a  son  peuple.  Au  reste,  retenons  ce  qui  a  este  dit,  que  le  principal  combat  que  nous  ayons,  c'est  contre  nos  ennemis  spirituels.  Quand  donc  nous  serons  assaillis  de  Satan,  et  qu'il  machinera  contre  nous  tout  ce  qui  luy  sera  possible:  que  nous  sachions  que  Dieu  nous  veut  exercer:  mais  si  est-ce  que  nous  aurons  dequoy  soustenir  les  combats,  quand  nous  serons  fortifiez  en  la  vertu  de  S.  Esprit.  Mais  pour  ce  faire  notons  bien  ce  qui  est  ici  adiouste,  que  Dieu  declaira  a  Moyse:  Ne  crain  point:  car  i'ay  livre  Og  roy  de  Basan  en  ta  main.  Tu  luy  feras  donc  comme  a  Sehon  roy  des  Amorrheens.  Voici  donc  la  promesse  qui  est  donnee,  afin  que  le  peuple  s'appuye  dessus  icelle,  et  qu'il  ne  doute  plus  de  la  victoire,  puis  qu'ainsi  est  que  Dieu  declaire  qu'il  bataillera  pour  luy.  Or  il  nous  faut  bien  noter  ce  passage:  pource  que  si  nous  sommes  destituez  de  la  promesse  de  Dieu,  encores  que  nous  protestions  d'esperer  en  luy,  il  n'y  aura  qu'une  imagination  vaine  et  frivole.  Et  ce  n'est  point  aux  hommes  de  se  rien  promettre.  Oar  a.  quel  droit  et  a  quel  tiltre  tiendrons-nous  Dieu  oblige  a  nous,  pour  dire,  Dieu  nous  aidera,  nous  ne  faudrons  point  d'estre  secourus  de  luy?  Ce  sera  une  arrogance  trop  sotte,  quand  les  hommes  se  voudront  ainsi  forger  des  esperances  en  leur  teste:  mais  il  faut  que  nous  attendions  paisiblement,  que  Dieu  nous  declaire  sa  volonte:  que  quand  nous  aurons  le  mot  de  sa  bouche,  alors  nous  serons  resolus.  Notons  bien  donc  qu'il  y  ha  un  lien  inseparable  entre  les  promesses  de  Dieu,  et  la  foy  que  nous  avons  en  luy.  Or  le  monde  usera  bien  de  ce  mot  de  Foy,  et  de  Fiance:  mais  c'est  un  abus.  Car  on  cognoist  tout  l'opposite  de  ce  qu'on  proteste:  d'autant  que  chacun  concoit  en  sa  fantasie  ce  que  bon  luy  semble,  et  ne  regarde-on  point  quelle  est  la  volonte  de  Dieu.  Pour  ceste  cause  il  nous  faut  revenir  a  l'ordre  qui  nous  est  ici  declare  par  Moyse:  c'est  que  Dieu  ait  parle  devant  que  nous  entreprenions  rien.  Car  sans  cela  nous  voudrions  le  transfigurer  selon  nos  appetis:  comme  chacun  se  forge  des  folies  en  sa  teste,  il  voudroit  incontinent  tenir  Dieu  en  sa  manche,  pour  luy  faire  executer  ce  qu'il  aura  conceu.  Et  ou  seroit-ce  aller?  quelle  maieste  y  auroit  il  plus  en  nostre  Dieu  ?  Et  puis  nous  voyons  nos  appetis  estre  si  exorbitans,  que  c'est  un  horreur:  et  il  faudroit  que  Dieu  fust  la  prest  a  toutes  heures  pour  faire  tout  ce  que  nostre  folie  auroit  songe  et  resve.  Pour  ceste  cause  ayons  ceste  modestie,  de  regarder  ce