24:55  55  COMMENTARIUS  IN  EXODI  CAP.  IV.  56  aspiciens  laetabitur  in  corde  suo.  15.  Loqueris  igitur  ad  eum,  et  pones  verba  in  os  eius,  et  ego  ero  cum  ore  tuo  et  cum  ore  eius,  et  ostendam  vobis  quae  sitis  facturi.  16.  Et  loquetur  ipse  pro  te  ad  populum,  eritque  tibi  pro  ore,  et  tu  eris  HU  pro  Deo.  17.  Et  baculum  hunc  accipies  in  manu  tua,  ut  facias  per  eum  1)  signa.  10.  Obsecro  Domine.  Omnes  tergiversandi  modos  captat  Moses,  ut  onus  sibi  impositum  avertat  :  non  quod  imperium  detrectare  in  animo  sit,  sed  quia  gravitatem  formidat.  Virium  igitur  suarum  diffidentia  eum  ita  lentum  ac  trepidum  reddit.  In  promptu  remedium  erat,  statuere  apud  se,  quum  certo  sciret  nihil  se  temere  aggredi,  Deum,  cuius  mandato  parebat,  quantum  satis  esset  virtutis  suppeditaturum.  Hoc  ergo  vitiosum  fuit  non  reiicere  in  Deum  omnes  curas,  et  posthabita  sua  infirmitate,  sperare  praeter  spem  Abrahae  exemplo,  qui  non  consideravit  corpus  suum  effoetum,  nec  emortuam  vulvam  Sarae,  sed  Deum  posse  credidit  praestare  quod  promiserat  (Rom.  4,  19).  Modestiae  quidem  fuisset  hunc  quem  obtendit  defectum  reputare,  modo  tantum  suppetias  a  Deo  rogasset:  sed  quum  ultra  progreditur,  ut  immunitatem  impetret,  Deo  facit  iniuriam,  ac  si  servis  suis  plus  imponeret  oneris  quam  sint  ferendo,  vel  inconsiderate  quidvis  mandaret.  Merito  itaque  damnatur  haec  sollicita  cautio,  quamvis  aliquid  habeat  virtutis  admixtum:  quia  quaecunque  nobis  occurrat  difficultas,  solatium  hoc  sufficere  debet,  formari  et  instrui  a  Deo,  qui  nullam  ad  rem  idonei  sunt  quoties  eos  eligit  ministros.  Timere  quidam  licet  in  rebus  perplexis,  modo  ne  parendi  studium  impediat  anxietas:  sed  quidquid  iniungit  Deus  recusare  nunquam  fas  est  quocunque  praetextu.  Caeterum  videmus  ut  quae  minime  apta  videntur  instrumenta,  praecipue  in  usum  suum  applicet,  quo  melius  refulgeat  eius  potentia.  Poterat  Mosen,  si  eo  volebat  legato  uti,  facundum  ab  utero  creare:  saltem  ubi  ad  opus  mittit,  correcta  balbutie  formare  eius  linguam.  Videtur  ergo  per  ludibrium  balbo  mandare  loquendi  partes:  sed  hoc  modo  (ut  dixi)  se  non  aliunde  adiutum  omnia  posse  ostendens  gloriam  suam  clarius  illustrat.  In  verborum  sensu  variant  interpretes:  hoc  membrum:  Ex  quo  loquutus  es  ad  servum  tuum:  quidam  amplificandi  causa  additum  fuisse  putant,  quasi  post  visionem  oblatam  impeditior  esse  coeperit  Mosis  lingua:  sed  quum  particula  D3  ter  repetatur,  simpliciter  interpretor  Mosen  ab  infantia  usque  nunquam  fuisse  disertum,  neque  etiam  nunc  donatum  nova  eloquentia.  11.  Quis  posuit  os  in  homine?  Hic  causa  exprimitur  cur  reprehensione  digna  fuerit  Mosis  cunctatio:  nempe  quod  in  propria  infirmitate  sub-  1)  In  margine:  Vel,  cum  co.