21:55  55  TIE  DE  CALVIN  56  Or  pource  que  lors  Puniversite  de  Bourges  estoit  aussi  en  bruit,*)  a  cause  de  cest  excellent  Iurisconsulto  Andre  Alciat  qui  pour  lors  y  enseignoit,  il  voulut  bien  [a  6]  aussi  le  voir  et  ouir.  Cependant  il  ne  laissoit  de  vaquer  aux  sainctes  lettres  a^ec  tel  fruict  et  si  heureusement,  que  tous  ceux  ausquels  il  plaisoit  a  Dieu  de  toucher  le  coeur  pour  entendre  que  c'estoit  des  differens  esmeus  pour  le  faict  de  la  religion,  non  seulement  luy  portoyent  affection  singuliere,  mais  l'avoyent  desia  en  admiration,  pour  l'erudition  et  zele  qui  estoit  en  luy.  Quant  a  departir  le  temps  de  ses  estudes,  ii  y  a  encore  gens  dignes  de  foy  qui  l'ont  cognu  familierement  a  Orleans,  qui  disent  que  deslors  bien  souvent  il  estudioit  iusques  a  la  minuict,  et  pour  ce  faire,  mangeoit  bien  peu  au  souper.  Puis  le  matin  estant  reveille,  il  se  tenoit  encore  quelque  temps  au  lict,  en  rememorant  et  ruminant  tout  ce  qu'il  avoit  estudie  le  soir.  Il  n'y  a  point  de  doute  que  telles  veilles  ne  lui  ayent  bien  offense  sa  sante.  Mais  il  prenoit  ces  heures-la  pour  ses  principales  estudes,  afin  d'y  pouvoir  continuer  plus  librement  et  sans  estre  interpelle.  Et  ie  croy  que  ces  estudes-la  ont  este  le  fondement  du  grand  savoir  qu'il  avoit  des  sainctes  lettres,  et  une  aide  de  la  singuliere  memoire  qu'on  a  puis  apres  veue  en  luy.  Entre  autres  qu'il  hantoit  pour  lors  a  Bourges,  il  y  avoit  un  excellent  personnage  Alleman,  professeur  des  lettres  Grecques,  aux  gages  de  la  feu  roine  de  Navarre,  lors  duchesse  de  Berry:  c'estoit  Melchior  Volmar,  duquel  ie  me  souvien  d'autant  plus  volontiers,  que  c'est  celuy  mesme  qui  a  este  mon  fidele  precepteur  et  gouverneur  de  toute  ma  ieunesse,  dont  ie  loueray  Dieu  toute  ma  vie.  Ce  bon  personnage  voyant  que  Calvin  avoit  faute  des  lettres  Grecques,  fit  tant  qu'il  s'appliqua  a  les  apprendre:  a  quoy  aussi  il  luy  servit  beaucoup,  comme  luy-mesme  en  a  rendu  tesmoignage,  en  luy  dediant  ses  Commentaires  sur  la  seconde  Epistre  de  Sainct  Paul  aux  Corinthiens,  et  luy  faisant  ceste  recognoissance  de  l'appeler  son  maistre  et  enseigneur.2)  Du  mesme  temps  il  prescha  quelquefois  en  une  petite  ville  du  pays  de  Berry,  nommee  Lignieres,  et  eut  entree  en  la  maison  du  seigneur  du  lieu  qui  estoit  pour  lors:  lequel  n'apprehendant  pas  autrement  les  choses,  disoit  seulement  en  general,  qu'il  lui  sembloit  que  M.  Iean  Calvin  preschoit  mieux  que  les  moines,  et  qu'il  alloit  rondement  en  besongne,  car  ledit  seigneur  n'estant  pas  de  son  naturel  des  [a  7]  plus  superstitieux,  s'appercevoit  bien  que  les  moines  qui  venoyent  chacun  an  prescher  la,  contrefaisoyent  les  marmiteux  pour  acquerir  reputation  et  pour  le  gain.  1)  reputation  F.  2)  et  enseigneur  om.  F.