15:55  55  EPISTOLA  1918  56  partem  animo  revolvere  atque  prope  colligere.  Quis  vero  tali  initio  non  parem  exitum  divinasset?  Solent  enim  fere  omnia  quodam  naturae  vitio  in  deterius  labi  et  (ut  in  proverbio  est)  quae  malo  inchoata  sint  principio  bonum  exitum  sortiri  non  possunt.  Videte  nunc  quid  feceritis,  viri  evangelici  !  Homunculum  advenam  et  peregrinum,  professioni  vestrae  evangelicae  et  christianae  caritati  confisum,  tam  foede  et  ignominiose  traduxistis,  tam  dire  et  immaniter  exstinxistis.  Ad  vos  ultro  fidentem,  sine  tumultu,  sine  seditione,  sine  iniuria  profectum  accusastis,  dolo  tenuistis,  carceribus  intrusum  peregistis,  et  vivum  tandem  omni  humanitate  et  misericordia  prorsus  exuti  ardentibus  flammis  perussistis.  O  praeclarum  facinus  nullis  sacculis  abolendum!  Haeccine  est  illa  christiana  caritas,  haeccine  evangelica  vestra  professio,  quam  universo  orbi  persuadere  tantopere  studebatis?  Docuitne  vos  dominus  et  redemptor  noster  Iesus  Christus  sic  in  haereticorum  causa  procedere,  qui  haereticum  ab  ecclesia  pellendum  et  loco  ethnici  habendum  praemonuit?  Haecne  a  Paulo,  vase  electionis,  didicistis,  qui  haereticum  hominem  saepe  monendum  et  vitandum  praedicavit?  Huncne  morem  vobis  Ignatius,  Irenaeus,  Augustinus,  et  caeteri  patres  orthodoxi  per  manus  tradiderunt,  qui  veram  Dei  ecclesiam  pati  non  persequi  solere  dixerunt,  et  pro  haereticis  pie  orandum,  si  forte  per  Dei  gratiam  et  benignitatem  ad  mentem  ��t  poenitentiam  reducantur?  At  saltem  vos  instruere  debuit  sapiens  ille  legisperitus  Gamaliel  ex  principibus  synagogae,  qui  a  sanguine  apostolorum  novam  doctrinam  promulgandum  iussit  temperari  et  rem  omnem  Deo  committi,  quae  si  mala  esset  se  ipsam  dissolveret.  Nonne  vos  scribis  et  Pharisaeis,  si  non  mitiores,  saltem  minime  deteriores  aut  crudeliores  esse  decebat?  Sed  quid  egistis?  Pauperculum  virum  ab  omnibus  destitutum,  in  manus  vestras  datum,  cum  omni  prius  ludibrio  et  ignominia  traductum,  flagranti  incendio  concremastis.  Quid  evangelio  cum  flammis?  Existimastis  forte  illum  in  tanta  sui  animi  angustia  et  horrore,  et  tanta  mundi  ignominia,  opprobrio,  saevitia  et  insultatione,  a  clementissimo  Deo  fuisse  derelictum?  Absit!  Expendamus  causam  mortis.  Unum  solum  Deum  esse  dicebat,  patrem  illum  Domini  Iesu  Christi  a  quo  sunt  omnia.  Atque  hoc  filius  ipse  fatetur  et  Paulus  diserte  testatur.  Vestrum  trinitatis  nomen  irridebat.  Merito  :  quum  et  nomen  imaginarium  et  femineum  sit,  et  vero  Deo  contumeliosum  qui  nec  sancta  nec  dea  trinitas  appellatur,  nec  triplex,  nec  trinomius,  nec  divisus,  nec  compositus  est,  nt  ex  sacris  literis  discere  potuistis.  Unum  solum  .unius  altissimi  Dei  filium  agnoscebat  Iesum  Christum,  ex  virgine  natum,  a  Iudaeis  crucifixum,  humani  generis  redemptorem.  Atqui  hoc  est  totius