11:55  EPISTOLAE  222.223  eloquentia  insigni.  Virtute  quidem  sua  Christus  nobis  omnia  apte  conficere  dignatur,  sed  requirit  iure  tamen  ut  ipsi  ad  salutem  nostram  ipsorum  summo  studio  cooperemur,  et  quos  cooperarios  ac  ministros  ipse  nobis  .  fingit  et  donat  toto  pectore  colamus.  Quum  itaque  tantis  hunc  dotibus  ornatum  Christus  nobis  dederit,  et  videamus  quantum  hic  ad  regnum  eius  conservandum  atque  proferendum  conferat  (incertum  est  autem  quid  ad  id  collaturus  Genevae  sit)  anxie  dubitamus  quid  hac  in  re  faciendum  nobis  sit.  Utcunque  res  nostrae  habeant,  et  quantis  Capito  et  ego  laboribus  nostrae  et  scholae  et  ecclesiae  indies  minus  sufficimus,  tamen  si  constet,  Calvinum  plus  Christo  fructus  facturum  Genevae  quam  hic,  absit  ut  non  totis  viribus  eum  illo  etiam  extrudamus.  At  id  dum  non  constat,  manifesto  autem  quotidie  cernimus  quanta  ecclesiae  Christi  hic  commoda  adferat,  nec  id  solum  scholam  nostram  sed  etiam  gallicam  ecclesiam  aedificando,  dimittere  eum  non  sine  magna  animi  molestia  possumus:  praesertim  quum  et  non  contemnenda  spes  sit  de  ecclesia  Metensi1)  per  eum  Christo  lucrifacienda.  Sic  itaque  dum  haeremus,  vestram  per  Christum  caritatem  obtestamur,  ut  nobis  quam  primum  possitis  quid  de  Geneva  sperandum  sit  scribere  dignemini,  ne  vel  profectui  regni  Dei  illic  obstemus,  neve  etiam  temere  hunc  servum  Christi  statione  sua,  qua  Christo  servit  sane  magno  cum  ecclesiarum  fructu,  quod  in  nobis  esse  poterit  dimittamus.  Magnum  quidem  est  quod  cum  Genevates  expetunt:  nam  argumento  est,  illos  ita  per  eum  Christi  apud  se  disciplinam  velle  restitui,  ut  odio  tantum  disciplinae  inde  eiectus  fuit.  At  sunt  etiam  subiti  saepe  nec  firmi  istius  modi  motus  in  vulgo  quolibet.  Non  dubito  quin  clarissimus  senatus  vester  optet  restitutum  hunc  illi  ministerio  quo,  quum  improborum  molitione  deturbaretur,  retinere  eum  laborarunt.  Adferuntur2)  subinde  satis  gravia  de  indignatione  vestrae  reipublicae  erga  Genevates:  sed  spero,  ut  antehac,  paterno  animo,  si  quid  peccarunt  illi,  curaturum  id  potius  quam  severiter  vindicaturum  esse  clarissimum  senatum  vestrum.  Nolet  destruere  opus  suum,  et  maxime  in  quo  tantum  et  gloria  et  utilitas  vestra  sibi  paravit.  Quibus  etiam  Dominus  plus  dedit  sapientiae  et  felicitatis,  ab  his  poscit  ut  aliorum  et  stultitiam  et  miseriam  et  ferant  et  sanent.  Sed  haec  vos  indubie  quotidie  docetis  et  monetis,  ut  dociles.  Hic  novi  nunc  nihil  quam  quod  ad  28.  colloquium  de  religione,  quod  Haganoae  constitutum  est,  auspicandum  exspectamus,  quo  222.  1)  Tum  temporis  non  nisi  clam  et  privatim  evangelium  ibi  praedicabatur  ;  anno  demum  1541  publice  (Hist.  eccl.  UL  433)  aut  {sec.  Sleidanum  ll.  275)  1542.  2)  Abhinc  ad  finem  textus  cancellatuSj  scil  ne  prelo  committeretur,  cui  caetera  destinata  erant.  Caeterum  cf.  Kampschulte  p.  364.