7:549  549  SACRAE  CAESAREAE  MAIESTATIS  DECLARATIO  QUOMODO  IN  NEGOTIO  RELIGIONIS  PER  IMPERIUM,  USQUE  AD  DEFINITIONEM  CONCILII  GENERALIS,  VIVENDUM  SIT,  IN  COMITIIS  AUGUSTANIS  XV.  MAII  ANNO  MDXLVIIL  PROPOSITA  ET  PUBLICATA  ET  AB  OMNIBUS  IMPERII  ORDINIBUS  RECEPTA.  1)  Imperatoria  Maiestas,  Dominus  noster  clementissimus,  sacri  Imperii  Electoribus,  Principibus  et  Statibus  praesentibus,  absentiumque  Legatis  ac  Consiliariis  clementer  exponit,  se  ab  initio  Imperii  sui  omnem  animi  et  consilii  vim  eo  semper  intendisse,  ut  providenda  sibi  ac  promovenda  esse  existimaret,  quae  cum  salute,  utilitate,  dignitate  ac  gloria  Reipublicae  christianae,  et  praesertim  sacri  Imperii  germanicae  nationis,  patriae  suae  carissimae,  coniuncta  esse  ullo  modo  viderentur,  ut  sic  demum  universi  Imperii  ordines,  membra  ac  subditi,  sub  Maiestatis  ipsius  alias  felici  imperio,  quieti  ac  concordes  tranquillam  et  florentem  vitam  agerent  Animadvertit  autem  sua  Maiestas,  et  perspicuis  argumentis,  ac  re  etiam  ipsa  manifeste  deprehendit,  nisi  rebus  christiane  compositis,  et  perniciosissimo  religionis  dissidio  legitime  summoto,  unde  ortae  suspiciones,  discordiae,  bella,  odia,  omnes  Imperii  Status  magnis  hactenus  incommodis  ajfecissent,  neque  statuendae  pacis,  neque  iuris  exercendi,  neque  certae  ullius  tranquillitatis  spem  aliquam  exsistere.  Quamobrem  annis  superioribus  omne  remediorum  genus  pertentans,  varia  colloquia  aliasque  tractationes  instituit,  sperans  his  rationibus  noxiam  hanc  dissensionem,  vel  ad  christianam  conciliationem,  vel  certe  ad  sensum  aliquem  meliorem  adduci  posse.  Verum  quum  animadversum  esset,  dum  haec  agerentur,  huius  discordiae  malum  eousque  progressum,  ut  non  Germanos  tantum,  sed  plerosque  etiam  alios  nominis  christiani  populos  communi  contagione  attactos  iam  labes  1)  De  hac  declaratione,  quae  in  cxx.  libri  calviniani  genevensibus  non  legitur,  adeas,  quaesumus,  Prolegomena  nostra.  Nos  eum  textum  descnbimus  quem  ex  ed.  authentica  Augustana  repetitum  unica  tertia  editw  tractatus  nostri  in  ipsa  Germania  impressa  exhibet.  Variantes  nullas  adscribimus,  quum  alter  qui  exstat  textus  ex  nova  aliqua  versione  archetypi  germanici  prodierit,  eaque  de  causa  cum  hoc  nostro  non  nisi  quoad  sensum,  nusquam  in  verbis  conveniat.