5:549  ACTES  DE  RATISBONNE.  peche  originel,  du  Baptesme  des  enfans,  et  aultres  semblables.  Aussi  par  ceste  mesme  authorite  a  este  receu  en  l'Eglise,  que  les  sainctz,  qui  sont  decedez  devant  nous  a  la  vie  du  siecle  futur,  sont  comme  les  plus  nobles  membres  de  l'Eglise:  lesquelz  le  Pere  celeste  recongnoist  pour  ses  enfans  et  honnore  (Iean  12,  26):  le  filz  les  recongnoist  pour  ses  freres  et  coheritiers  (Hom.  8,  29):  le  sainct  Esprit  les  appelle  ses  temples  (2  Cor.  6,  16):  lesquelz  doivent  estre  louez:  et  desquelz  la  memoire  doit  estre  celebree  par  solemnite  religieuse,  pour  nous  esmouvoir  a  les  ensuyvir:  a  celle  fin  que  nous  soions  faictz  participans  de  leurs  merites:  comme  sainct  Augustin  escript  contre  Fauste  le  Manicheenx)  et  l'Apostre  sainct  Paul  aux  Ebrieux  (13,  7).  Desquelz  (dit-il)  regardans  la  fin  de  leur  conversation,  ensuyvez  aussi  la  foy.  Car  l'Eglise  est  de  ceste  resolution,  et  non  sans  Escriptures,  que  les  sainctz  sont  esmeuz  d'un  merveilleux  desir  de  nostre  salut,  comme  membres  d'un  seul  et  mesme  corps,  qui  ne  peuvent  estre  consummez  sans  nous:  a  ceste  cause  ilz  prient  Dieu  pour  nous:  et  Dieu  de  son  coste  exauce  les  sainctz  qui  prennent  soing  de  nous,  et  que  pour  }  l'amour  d'iceux  il  nous  faict  bien.  Et  comme  il  ne  fault  point  doubter  que  les  sainctz  n'ayent  leurs  propres  merites  (Exod.  32;  Dan.  3),  lesquelz  pareillement  sont  dons  de  Dieu:  aussi  il  a  este  receu  par  le  commun  accord  de  l'Eglise,  que  en  ceste  maniere  on  prie  Dieu  droictement,  par  laquelle  il  octroye  aux  merites  et  prieres  de  ses  sainctz,  que  nous  soyons  muniz  de  l'ayde  de  sa  saulvegarde  en  toutes  choses:  non  pas  par  les  merites  d'iceux,  comme  d'eulx  mesmes,  mais  par  Christ  nostre  Seigneur:  par  la  grace  duquel,  eulx  aussi  ont  este  sauvez.  2)  Duquel  ilz  tiennent  et  recongnoissent  tout  merite.  Et  ne  fault  point  condemner,  si  aucun  par  devotion  et  piete,  et  par  un  ardeur  d'esprit,  en  la  commemoration  de  nostre  [fol.  45]  union  si  parfaicte  avec  eux  en  Christ,  appelle  iceux  sainctz,  mesme  nommement:  moyennant  que  ce  soit  hors  des  prieres,  qui  se  font  a  l'autel,  esquelles  l'oraison  doit  estre  dressee  au  seul  Dieu  le  Pere,  par  Christ,  comme  il  a  este  conclud  au  Concile  troisiesme  de  Carthage.  En  telle  sorte  toutesfoys,  q  ae  toute  nostre  fiance  soit  posee  au  seul  Iesus  Christ,  autheur  de  tout  bien,  et  que  rien  ne  soit  attribue  aux  sainctz  de  ce  qui  est  propre  a  Dieu.  Tant  seulement  qu'on  implore  les  sainctz  envers  Dieu,  tout  aussi  bien  que  nous  prions  ceux  qui  sont  encor  en  chair  avec  nous:  et  ce  pour  ayder  noz  prieres,  comme  estans  servi-  1)  Livre  XX.  Chap.  21.  2)  Note  marginale:  Les  protestans  ont  presente  sur  ceste  partie  et  sur  le  Paragraphe  suyvant  leur  e  script  des  sainctz,  signe  F.