48:549  549  CAPUT  XXVII.  550  habet,  quibus  fidem  precatur  sine  molestia  et  cruce.  Nam  qui  nondum  in  Christum  credebant,  longe  aberant  ab  eo  affectu,  ut  pro  evangelio  certare  parati  forent.  Et  certe  pios  omnes  hac  mansuetudine  praeditos  esse  convenit,  ut  crucem  suam  placide  ferant:  alios  autem  cupiant  commode  agere,  et  quantum  in  se  est,  levare  studeant  omni  molestia,  quieti  autem  vel  laetitiae  minime  invideant.  Haec  humanitas  et  moderatio  ab  eorum  acerbitate  longe  remota  est,  qui  mala  sua  aliis  imprecando  solatium  inde  petunt  31.  32.  Loquebantur  inter  se.  Quod  absolvitur  Paulus  omnium  sententia,  in  evangelii  non  vulgare  decus  cessit.  Et  Festus  reliquis  assentiens,  se  ipsum  damnat:  ut  qui  sua  iniquitate  in  eas  angustias  Paulum  coniecerat  j  sub  specie  mutandi  loci  eius  vitam  hostium  insidiis  prodendo.  Tametsi  autem  videtur  provocatio  sancto  viro  damnosa  esse:  quia  tamen  hoc  unicum  illi  a  morte  effugium  fuerat,  quietus  manet,  nec  satagit  ut  se  ab  illo  laqueo  explicet:  non  modo  quia  res  iam  non  erat  integra,  sed  quia  in  visione  admonitus  fuerat  se  Romam  quoque  divinitus  vocari.  CAPUT  xxvii.  1.  Postquam  autem  decretum  est  ut  nos  navigaremus  in  Italiam,  tradiderunt  et  Paulum  et  quosdam  alios  vinctos  centurioni  nomine  Iulio,  cohortis  Augustae.  2.  Conscensa  autem  nave  adramyttina  j  navigaturi  iuxta  loca  Asiae  solvimus,  perseverante  nobiscum  Aristarcho  Macedone  Thessalonicensi.  3.  Sequenti  autem  die  appulimus  Sidonem.  Et  Iulius  humaniter  tractato  Paulo  permisit  ut  ad  amicos  profectus,  ab  illis  curaretur.  4  Et  inde  quum  solvissemus,  subnavigavimus  iuxta  Cyprum,  propterea  quod  essent  venti  contrarii.  5.  Et  pelagus  quod  est  contra  Ciliciam  et  Pamphyliam  emensi  pervenimus  Myram,  quae  est  Lyciae:  6.  et  ibi  nactus  centurio  navem  alexandrinam  navigantem  in  Italiam,  imposuit  nos  in  eam.  7.  Et  quum  multis  diebus  tarde  navigaremus,  vixque  devenissemus  contra  Cnidum,  prohibente  nos  vento,  adnavigavimus  Cretae  iuxta  Salmonem:  8.  et  vix  praeterlegentes  eam  pervenimus  in  locum  quemdam,  qui  vocatur  Pulchri  Portus,  cui  vicina  civitas  Lasaea.  1.  2.  Navigatio  Pauli  a  Luca  nobis  narratur  hoc  maxime  consilio,  ut  sciamus  Romam  fuisse  mirabiliter  perductum  Dei  manu:  et  in  ipso  itinere  multis  modis  illustrem  apparuisse  in  eius  dictis  et  factis  Dei  gloriam,  quae  magis  ac  magis  eius  apostolatum  sanciret.  Traditur  quidem  ducendus  cum  aliis  vinctis:  sed  Dominus  postea  longe  ipsum  a  sceleratis  et  maleficis  discernit,  quibuscum  illi  communis  erat  vinculorum  conditio.  Quin  etiam  paulo  post