35:549  549  SUR  LB  CANTIQUE  D'EZECHIAS.  550  Or  yci  Ezechias  confesse  en  somme  qu'il  est  vaincu  quant  a  soy,  et  qu'il  n'y  a  plus  nul  remede  sinon  que  Dieu  interviene,  et  qu'il  se  mette  la  comme  plege.  Le  mot  dont  il  use  signifie  aucunefois  respondre,  ce  qu'on  appelle  yci  Piancer.  On  pourroit  donc  exprimer,  Seigneur,  que  tu  sois  mon  plege  en  ceste  extremite:  car  ie  n'en  puis  plus.  Tu  vois  qu'il  n'y  a  plus  nulle  faculte  en  moy,  il  faut  donc  que  tu  respondes  en  mon  lieu.  Et  ce  mot-ci  est  aussi  bien  entre  les  complaintes  de  Iob:  mais  il  signifie  aussi  Alleger,  et  le  tout  reviendra  a  un,  c'est  assavoir  (comme  desia  nous  avons  touche)  qu'Ezechias  cognoit  qu'il  n'ha  nulle  vertu,  et  qu'il  faut  qu'il  defaille  quant  a  soy,  comme  si  un  homme  declaroit  qu'il  n'ha  rien  pour  satisfaire  a  ce  qu'il  doit,  il  vient  donc  au  recours  a  Dieu.  Or  yci  nous  avons  encores  une  bonne  admonition,  c'est  que  nous  ne  pouvons  pas  invoquer  Dieu  comme  il  appartient,  sinon  quand  nous  sommes  amenez  a  ceste  raison  de  nous  aneantir  du  tout.  Car  cependant  que  les  hommes  gardent  ie  ne  scay  quoy  de  residu,  il  est  certain  qu'ils  n'invoqueront  Dieu  qu'a  demi.  Il  faut  donc  que  nous  soyons  tellement  dontez,  qu'estans  du  tout  desnuez  nostre  disette  nous  contraigne  de  chercher  en  Dieu  ce  qui  defaut  en  nous.  Voyla  pour  un  item.  Or  cependant  nous  sommes  advertis  de  ne  point  perdre  courage,  quand  Dieu  nous  aura  ainsi  despouillez,  et  que  nous  serons  vuides  de  toute  vertu:  car  si  est-ce  que  nous  pourrons  encore  luy  addresser  nostre  propos,  suyvans  le  chemin  d'Ezechias:  Seigneur,  ie  n'en  puis  plus,  ainsi  ie  te  prie  que  tu  m'alleges.  Voyla  donc  ce  que  nous  avons  a  retenir  de  ce  passage.  Or  il  est  vray  que  nous  ne  sommes  pas  tousiours  pressez  a  la  facon  d'Ezechias:  mais  quoy  qu'il  en  soit,  encore  que  la  contrainte  ne  soit  pas  si  violente,  si  faut-il  que  nous  soyons  devestus  et  vuides  de  toute  fausse  persuasion  de  nos  forces,  afin  que  Dieu  soit  glorifie  comme  il  le  merite.  Et  cependant  (comme  i'ay  dit)  que  nous  poursuyvons  nos  prieres  et  oraisons:  et  apres  estre  convaincus  de  n'avoir  plus  rien  de  force  en  nous,  que  toutes  fois  nous  recourions  a  nostre  Dieu,  et  il  nous  donnera  ce  qui  nous  defaut,  d'autant  qu'en  luy  gist  toute  plenitude  de  biens.  Or  la  dessus  encores  il  adiouste,  Et  que  dirayie?  Gar  luy  qui  a  parle,  aussi  il  Va  fait.  Yci  aucuns  ont  estime  qu'Ezechias  se  vouloit  desia  esiouir,  sentant  la  delivrance  que  Dieu  luy  avoit  envoyee,  et  qu'il  rompt  toutes  ses  queremonies  dont  il  a  use,  et  qu'il  ha  maintenant  la  bouche  ouverte  pour  confesser  la  bonte  de  Dieu.  Mais  le  fil  du  texte  ne  porte  point  cela:  plustost  Ezechias  rompt  son  propos  pour  monstrer  ies  angoisses  qui  Pempeschent  de  continuer  comme  il  eust  bien  voulu.  Et  nous  voyons  beaucoup  de  tels  exemples  en  tous