32:549  549  SUR  LE  PSEAUME  CXIX.  550  de  droiture,  ou  iugement,  nous  avons  desia  declare  cy  dessus,  qu'il  ne  signifie  sinon  la  doctrine  qui  est  contenue  en  la  Loy  de  Dieu.  Et  mesmes,  combien  qu'il  use  yci  de  divers  mots,  si  est-ce  qu'il  tend  tousiours  a  une  mesme  fio.  Voyla  donc  ou  il  nous  faut  rapporter  les  droitures  de  Dieu  :  c'est  ascavoir,  que  ce  que  nous  lisons  en  sa  parole,  ce  qui  nous  est  presche,  que  nous  scachions  que  ce  sont  des  statuts  qui  sont  certains,  et  si  bien  reiglez  qu'il  n'y  a  que  redire:  qu'il  faut  donc  que  nostre  attente  et  nostre  esperance  soit  la.  Or  il  adiouste,  le  garderay  ta  Loy  tousiours,  a  iamais,  voire  a  iamais:  et  cheminer  ay  au  large,  car  i'ay  cerche  tes  commandemens.  Non  seulement  David  proteste  yci  de  sa  bonne  affection  et  integrite,  mais  il  monstre  le  fruit  qui  luy  reviendra,  quand  Dieu  l'aura  ainsi  secouru,  et  qu'il  aura  experimente  le  fruict  de  sa  foy.  Voyla  donc  comme  nous  devons  exposer  ce  passage,  Seigneur,  quand  ie  t'auray  cognu  mon  Sauveur,  et  que  ta  misericorde  m'aura  este  monstree  per  experience:  alors  ie  garderay  tant  mieux  ta  Loy.  Comme  s'il  disoit,  ie  seray  tousiours  conferme  en  ton  obeissance:  ce  me  sera"  autant  d'aide  pour  tousiours  m'advancer.  Comme  a  la  verite,  toutes  les  graces  que  nous  recevons  de  Dieu,  nous  conduisent  plus  loin:  ascavoir,  que  si  desia  nous  avons  este  en  bon  train,  que  cela  est  pour  nous  y  faire  continuer  et  nous  advancer  de  plus  en  plus,  iusqu'a  ce  que  nous  soyons  parvenus  au  but.  Il  est  vray  que  Dieu  en  nous  conduisant,  n'a  pas  regard  a  telle  recompense.  Car  il  s'en  passera  bien:  mais  c'est  a  nostre  usage  et  a  nostre  intsruction  que  cecy  est  dit.  Et  quand  nous  prions  Dieu,  il  faut  que  nous  cerchions  toutes  les  choses  qui  nous  peuvent  confermer,  a  ce  que  nous  ne  doutions  point  que  Dieu  exaucera  nos  requestes:  et  que  nous  scachions  aussi  a  quelle  fin  il  nous  faut  rapporter  les  biens  qu'il  nous  fait,  et  que  nous  recevons  de  sa  main.  Ainsi  donc  maintenant,  quand  David  dit,  je  garderay  ta  Loy  sans  fin,  a  iamais,  tousiours:  par  cela  nous  avons  a  noter,  que  selon  que  Dieu  nous  eslargit  de  ses  benefices,  que  nostre  foy  doit  estre  tant  plus  fortifiee  en  luy:  que  nous  devons  estre  tant  plus  fortifiez  en  luy,  que  nous  devons  estre  tant  plus  enflammez  d'un  vray  desir  et  zele  de  nous  adonner  a  luy  pleinement,  et  adherer  a  sa  iustice,  et  garder  sa  Loy  et  sa  Parole.  Et  pleust  a  Dieu  que  cecy  fust  bien  imprime  en  nostre  memoire.  Mais  quoy?  nous  voyons  l'ingratitude  qui  est  quasi  en  tous:  car  Dieu  ne  cesse  de  nous  bien  faire,  et  iournellement  il  nous  donnera  nouvelle  matiere  de  nous  fier  en  luy,  de  l'aimer  et  le  servir.  Mais  quoy  qu'il  face,  nous  ne  profitons  rien,  nous  sommes  tousiours  froids  comme  glace:  il  n'y  a  ne  zele,  ne  mesmes  nul  mouvement,  tellement  qu'il