25:549  549  COMMENTARIUS  IN  IOSUE  CAP.  XXII.  550  quatuor.  32.  De  tribu  vero  Nephthali  urbem  refugii  homicidae,  Cedes  in  Galil,  et  suburbana  eius:  et  Hamothdor,  et  suburbana  eius:  et  Carthan,  et  suburbana  eius:  urbes  tres.  33.  Omnes  urbes  Gersonitarum  per  familias  suas,  tredecim  urbes,  et  suburbana  earum.  34.  Familiis  autem  filiorum  Merari  Levitarum  residuorum,  de  tribu  Zabulon  :  Iocneam,  et  suburbana  eius  :  Cartha,  et  suburbana  eius:  35.  Dimnah,  et  suburbana  eius:  Nahalal,  et  suburbana  eius,  urbes  quatuor.  36.  De  tribu  vero  Ruben:  Beser,  et  suburbana  eius:  et  Iahasa,  et  suburbana  eius.  37.  Cedemoth,  et  suburbana  eius,  Mephaath,  et  suburbana  eius  :  urbes  quatuor.  38.  Et  de  tribu  Gad,  urbem  refugii  homicidae:  Bamoth  in  Gileath,  et  suburbana  eius:  et  Mahanaim,  et  suburbana  eius.  39.  Hesbon,  et  suburbana  eius:  Iaazer,  et  suburbana  eius:  urbes  quatuor.  40.  Omnes  urbes  filiorum  Merari  per  familias  suas  qui  residui  erant  de  familiis  Levitarum,  ut  fuit  sors  eorum,  urbes  duodecim.  41.  Omnes  urbes  Levitarum  in  medio  possessionis  filiorum  Israel,  urbes  quadraginta  octo,  et  suburbana  earum.  42.  Fuerunt  urbes  istae  singulae,  et  suburbana  earum  per  circuitum  ipsarum:  sic  omnibus  urbibus  istis.  43.  Dedit  itaque  Iehova  Israeli  universam  terram  de  qua  iuraverat  se  daturum  eam  patribus  eorum,  et  possederunt  eam,  habitaveruntque  in  ea.  44.  Requiem  quoque  dedit  eis  Iehova  in  circuitu  prorsus  ut  iuraverat  patribus  eorum,  neque  fuit  quisquam  qui  resisteret  illis  ex  omnibus  inimicis  eorum  :  omnes  inimicos  eorum  tradidit  Iehova  in  manum  eorum,  45.  Non  cecidit  ullum  verbum  ex  omni  verbo  bono  quod  loquutus  fuerat  Iehova  ad  domum  Israel,  omnia  evenerunt.  20.  Familiis  vero  filiorum  Cahath.  Cur  per  singulas  tribus  dispergi  oportuerit  Levitas,  quaerant  lectores  apud  Mosen.  Haec  quidem  imposita  fuerat  poena  eorum  patri  ob  perfidiam  et  crudelitatem,  quam  exercuerat  contra  Sichimitas:  verum  loco  ignominiae  dispersio  illis  conversa  est  in  maximum  honorem,  ut  tanquam  custodes  in  singulis  regionibus  dispositi,  populum  in  puro  Dei  cultu  continerent.  Fuerunt  quidem  ubique  inquilini:  sed  cum  maxima  illa  dignitate,  ut  tanquam  Dei  procuratores  operam  darent,  ne  populus  a  pietate  descisceret.  Haec  ratio  est  cur  tam  diligenter  narretur,  quot  ex  quaque  tribu  illis  urbes  obtigerint,  ut  essent  ubique  in  excubiis,  ad  conservandam  sacrorum  puritatem.  41.  Omnes  urbes  Levitarum.  Hic  praecipue  locus  docet  quod  iam  aliquoties  attigi,  fines  aliarum  tribuum  non  ita  fuisse  restrictos,  quin  longe  maior  fuerit  numerus  urbium,  quam  fuerit  expositus.  Satis  notum  est,  tribum  Levi  minimam  fuisse  omnium.  Cuius  ergo  aequitatis  fuisset  quadruplo  magis  dilatari  quam  tribum  Zabulon,  quam  vidimus  contentam  fuisse  duodecim  urbibus,  quum  tamen  esset