9:548  longe  petere  rei  certae  testimonium.  Sed  cur  praeteriit  quod  ex  re  et  causa  praesenti  magis  erat,  multas  esse  oves  foris?  unde  colligere  promptum  est,  non  difiundi  ecclesiam  visibilem,  quacunque  dispersi  sunt  electi.  In  illa  enim  dissipatione  non  secus  conservat  Deus  suos,  atque  Daniel  mirabili  privilegio  servatus  est,  quum  a  coetu  fidelium  abesset.  De  doctrina  et  sacramentis  perfricta  fronte  eum  nugari,  paulo  ante  ostensum  est.  Monendi  interea  sunt  principes  Germaniae,  quibus  oculos  obliuere  voluit,  ne  tam  [pag.  90]  proterve  se  deludi  sinant.  Non  potest  eos  damnare  qui  ab  eruditis  admoniti  quaedam  correctione  indigere  in  aliqua  ecclesiae  parte,  praeeunte  summa  autoritate,  accedente  communi  illius  ecclesiae  consensu,  in  doctrinae  genere  aliqua  repurgarunt,  et  caeremonias  aliquot  etiam  vetustiores  auferendas  putant:  modo  id  quam  minimo  scandalo  et  perturbatione  fiat.  Si  rogetur  quosnam  intelligat:  optimum  principem,  cuius  sumptibus  praeter  meritum  alitur,  primum  statuet  in  ordine.  Sed  an  ille  quum  suae  ditionis  ecclesias  constituere  vellet,  consilium  suum  suspendit  a  communi  totius  occidentis  [pag.  91]  consensu?  An  nutum  pontificis  exspectavit?  Ad  haec  quam  improba  versutia,  dum  eos  non  damnans  qui  doctrinam  repurgarunt,  ubi  ad  caeremonias  ventum  est,  eos  tantum  tolerat  qui  auferendas  putant?  Unde  sequitur,  si  quis  manum  admoveat,  temeritatis  et  seditiosi  conatus  reum  fieri.  Quae  sequuntur  non  magis  cohaerent  quam  aegri  somnia,  vel  phrenetici  deliria.  Non  possum,  inquit,  a  Christo  et  ecclesia  separare  qui  in  his  coetibus  ita  versantur,  ut  nihil  aliud  quam  Christi  gloriam  quaerant,  totoque  animo  ad  ecclesiae  [pag.  02]  pacem  et  unitatem  incumbant,  et  cum  reliquo  ecclesiae  corpore,  etiam  si  quadam  opinionum  et  rituum  varietate  discrepent,  caritatis  vinculo  sint  colligati.  Nempe  sibi  visus  est  Heidelbergae  esse.  Quos  enim  alios  coetus  designat  pronomine  Hos?  Verum  si  existimationi  suae  consulere  voluit,  non  debuerat  tertio  se  Genevam  conferre,  ut  Calvini  se  filium  et  discipulum  profiteretur.  Ut  hoc  omittam,  cur  eos  tam  anxie  excusat  qui  privatam  vitam  agunt  in  ditione  Illustrissimi  Principis  :  ex  quo  Princeps  ipse,  qui  palam  descivit  a  papatu,  et  alios  pro  legitima  potestate  inde  [pag.  93]  retraxit,  a  damnatione  exemptus  est?  Sed  eadem  mox  fidelia  nigredine  obducit  quos  ante  dealbaverat.  Probare  eos  non  potest  qui  ita  a  romanae  ecclesiae  corruptelis  recedere  voluerunt,  ut  ab  ea  defecerint,  seque  ab  omni  eius  communione  separasse  videantur.  Non  quaero  quosnam  intelligat:  quia  satis  apparet  nos  pro  schismaticis  haberi,  quanquam  inique  nobis  exprobrat,  studia  nos  omnia  non  ad  medicandum,  sed  ad  perdendum  conferre  Quum  innumera  hominum  millia  testentur,  quam  salubrem  medicinam  reperiant  in  scriptis