48:548  fixi  impleta  esse.  Quod  vero  de  fide  Agrippae  non  dubitat  Paulus,  non  tam  facit  eius  laudandi  causa,  quam  ut  scripturam  eximat  ab  omni  controversia,  ne  in  ipsis  principiis  subsistere  cogatur.  Sensus  est  igitur,  scripturam  esse  aoxOTUGTOV,  ut  fas  non  sit  homini  Iudaeo  eius  automati  vel  minimum  detrahere.  Neque  tamen  illi  blanditur  Paulus.  Quamquam  enim  scripturam  non  reverebatur  ut  pio  homine  dignum  erat:  hoc  tamen  a  pueritia  rudimentum  imbiberat,  ut  persuasus  esset,  nihil  praeter  Dei  oracula  illic  contineri.  Quemadmodum  vulgus  hominum,  etiam  si  magnopere  verbum  Dei  non  curet:  in  genere  tamen  et  confuse  verbum  Dei  esse  agnoscit,  ut  saltem  religio  prohibeat  vel  reiicere  vel  despicere.  28.  29.  Agrippa  autem  ad  Paulum.  Hoc  saltem  profecit  apostolus,  ut  confessionem  non  voluntariam  exprimeret  regi  Agrippae  :  sicuti  annuere  solent  qui  veritati  amplius  resistere  nequeunt,  vel  saltem  aliquod  dare  assensus  signum.  Significat  quidem  Agrippa  non  libenter  fore  se  Christianum,  imo  fieri  nolle:  se  tamen  refragando  esse  imparem,  sed  quodammodo  invitum  trahi.  Unde  apparet  quanta  sit  humani  ingenii  pervicacia,  donec  spiritu  Dei  ad  obsequium  subigatur.  Particulam  ev  oX:y  varie  exponunt  interpretes.  Valla  putavit  sic  vertendum  :  Parum  abest  quin  me  Christianum  facias.  Erasmus  reddidit:  Modica  ex  parte.  Simplicius  vetus  interpres:  In  modico:  quia  saltem  verbum  verbo  reddens^  liberum  lectoribus  iudicium  permisit.  Et  certe  ad  tempus  commode  potest  referri,  ac  si  dixisset  Agrippa:  Statim,  vel  uno  momento  facies  me  Christianum.  Si  quis  excipiat  non  quadrare  Pauli  responsum,  facilis  est  solutio1).  Nam  quum  ambigua  esset  loquutio:  quod  de  tempore  dictum  erat,  scite  Paulus  ad  rem  traxit.  Quum  ergo  intelligeret  Agrippa  se  fere  Christianum  esse  factum  exiguo  tempore:  subiecit  Paulus  se  cupere  ut  tam  ipse  quam  comites,  a  parvis  initiis  ad  maiores  progressus  conscenderent.  Neque  tamen  displicet  ev  oXiyip  tantundem  valere  ac  propemodum.  Haec  autem  responsio  testis  est,  quanto  propagandae  Christi  gloriae  zelo  flagraverit  sanctum  viri  pectus,  dum  vincula  sibi  a  praeside  iniecta  patienter  sustinens,  eum  cupit  exitialibus  diaboli  laqueis  exceptum,  et  tam  ipsum  quam  alios  eiusdem  gratiae  consortes  ac  socios  sibi  adiungere,  molesta  interim  et  probrosa  sorte  contentus.  Notandum  quod  non  simpliciter  optat:  sed  a  Deo,  sicuti  eius  est  nos  ad  filium  trahere:  quia  nisi  intus  docente  eius  spiritu,  semper  frigebit  exterior  doctrina.  Exceptis  vinculis.  Certum  est  non  tam  dura,  vel  tristia  fuisse  Paulo  sua  vincula  in  quibus  saepe  gloriatur,  et  quae  honoris  causa  in  medium  profert^  tanquam  legationis  suae  insigne:  sed  rationem  eorum  *)  Nam  probabile  est  syriace  loquutum  esse  Agrippam.  Quum  vero.