25:548  populum  incuria  et  oblivione  magis  peccasse  quam  fraudandi  consilio,  quia  non  cunctatur  simulatque  monitus  est:  imo  laudatur  eorum  obedientia:  quod  secundum  sermonem  Iehovae  praestiterint  quod  aequum  et  rectum  erat.  4.  Egressa  est  sors.  Hic  primo  describitur  urbium  numerus:  de  quo  paulo  post  dicendum  erit.  Secundo  diserte  exprimitur,  filiis  Aharon  sortem  cecidisse  in  tribu  Iuda,  quod  non  contigit  fortuito  eventu:  quia  Deus  pro  admirabili  suo  consilio  in  ea  sede  eos  locavit,  ubi  statuerat  templum  sibi  eligere.  Tertio  descenditur  ad  ipsa  urbium  nomina,  quarum  prima  refertur  Hebron,  qua  privari  aequo  animo  passus  est  Caleb.  Si  quis  obiiciat  debuisse  potissimum  Ierusalem  illis  dari,  ubi  legitima  futura  erat  statio:  solutio  facilis  est,  mediocres  urbes,  ut  ferebat  eorum  conditio,  illis  fuisse  traditas.  Ad  haec,  Ierusalem  nondum  tunc  erat  pacata,  quum  Iebusaei  potirentur  eius  imperio.  Denique  absurdum  fuisset  sedem  regiam  attribui  sacerdotibus.  Et  in  eo  melius  probata  fuit  eorum  religio  et  fides,  quod  sponte  migrabant  ex  natali  solo,  ut  sacris  operam  impenderent.  Nullus  enim  sacerdos  officio  functus  est,  qui  non  fieret  inquilinus.  Eorum  tamen  infirmitati  venia  data  est,  quum  vicinis  urbibus  donati  sunt,  ne  molestum  esset  longinquum  iter  suscipere  ad  obeundum  suum  munus.  Porro,  quando  uni  tantum  familiae  nec  admodum  populosae  tredecim  ad  habitandum  datae  sunt  urbes,  hinc  confirmatur  quod  alibi  docui,  alias  tribus  plurimis  urbibus  fuisse  dominatas,  quarum  nulla  fit  mentio:  idque  paulo  post  certius  confirmabitur.  20.  Familiis  vero  filiorum  Cahath  Levitarum,  qui  residui  erant  de  filiis  Cahath  (fuerunt  autem  urbes  sortis  eorum  de  tribu  Ephraim),  21.  Dederunt,  inquam,  illis  urbem  refugii  homicidae  Sechem,  et  suburbana  eius  in  monte  Ephraim,  et  Geser,  et  suburbana  eius.  22.  Et  Cibsaim,  et  suburbana  eius:  et  Bethoron,  et  suburbana  eius:  urbes  quatuor.  23.  De  tribu  vero  Dan:  Elthece,  et  suburbana  eius:  et  Gibbethon,  et  suburbana  eius,  24.  Et  Aialon,  et  suburbana  eius:  et  Gath-rimmon,  et  suburbana  eius,  urbes  quatuor.  25.  De  dimidia  vero  tribu  Manasse  Thaanach,  et  suburbana  eius:  Gathrimmon,  et  suburbana  eius:  urbes  duae.  26.  Omnes  urbes  decem,  et  suburbana  earum,  familiis  filiorum  Cahath  residuis.  27.  Porro  filiis  Gerson  de  familiis  Levitarum,  de  dimidia  tribu  Manasse  urbem  refugii  homicidae:  Golan  in  Basan,  et  suburbana  eius:  Beesthera  et  suburbana  eius:  urbes  duae.  28.  De  tribu  Issachar,  Cision,  et  suburbana  eius:  Dabrath,  et  suburbana  eius:  29.  Iarmuth,  et  suburbana  eius:  Engannim,  et  suburbana  eius:  urbes  quatuor.  30.  De  tribu  autem  Aser,  Misal,  et  suburbana  eius:  Abdon,  et  suburbana  eius:  31.  Helcath,  et  suburbana  eius:  et  Rehob,  et  suburbana  eius:  urbes