20:548  mentia  una  aut  altera  exhortatione  animo  cederet  me  solari  et  confirmare,  quemque  nosti  iuvenem  ad  maius  pietatis  studium  ex  tuis  monitis  excitare,  magnos  inde  nos  animos  accepturos  non  dubito.  Iterum  vale,  vir  optime.  Genuae  *)  xvia  Cal.  Decemb.  4246,  HOTOMANUS  CALVINO.  De  loco  quodam  epistolae  Petrinae.  (Ex  autographo  Cod.  Genev.  114,  fol.  5.)  Clarissimo  viro  Domini  Ioanni  Calvino  ecclesiae  Genevensis  pastori  vigilantissimo.  Genevae.  S.  P.  Cognatum  hactenus  avidissimo  exspectavi  quem  a  vobis  reversus  oravi  ut  optimam  explanationem  tuam  in  Petri  locum  ad  me  mitteret:  quod  tunc  mihi  quidem  libentissime  visus  est  facturum  recepisse  :  ex  quo  factum  est  nullas  ut  a  me  literas  iis  de  rebus  de  quibus  iudicium  tuum  postulabam  ad  hunc  diem  acceperis,  quas  ego  (etsi  pro  tua  singulari  humanitate  non  omnino  iniucundas  fore  significans)  nunquam  tamen  ausus  essem  ad  te  negotiorum  magnitudine  occupatum  scribere,  nisi  si  tam  commodi  atque  expediti  tabellarii  resque  praeterea  hodie  in  sermone  nata  verentem  me  ac  timidum  ad  hoc  tibi  literarum  perscribendum  impulissent  Burgonius  enim  hoc  ipso  de  loco  Petri  epistolae  eleganter  una  cum  suis  sermonem  persequutus  est,  quem  Plessiacus  sive  animi  sive  alterius  rei  causa  instituerat,  in  quo  ego  quoque  non  invitus  sententiam  meam  protuli,  quam  quum  illi  a  sensu  apostoli  non  alienam  iudicassent,  utpote  ad  Institutionis  tuae  sententiam  proxime  accedentem,  eique  (uti  ego  urgere  volui)  servientem,  dixi  me  per  literas  iudicium  tuum  petiturum,  eamque  clausulam  ad  hunc  modum  quam  rectissime  explicari  posse:  si,  qua  is  cum  afflictis  hominibus  piis  ob  religionis  christianae  praedicationem  concione  utitur,  eam  nos  ad  consolationem  accommodatam  in  exhortatione  ad  patientiam  ad  finem  usque  sententiae  contineremus,  ut  sit  hic  loci  sensus:  Praestat  ut  bene  agentes  malis  afficiamini  quam  male  agentes,  neque  enim  maior  4245.  1)  Genuam  nullam  novimus  praeter  unam.  An  eo  se  recepit  vir  ignotus  PedemonUo  elapsus?