9:547  547  RESPONSIO  548  episcopos,  abruptio  tamen  plus  quam  prodigiosa  non  patitur  continuam  seriem  ducere.  Papa  illis  est  episcopus  universalis  :  an  hoc  apostolicum  ?  Nulli  iam  episcopi  cleri  et  plebis  suffragiis  eliguntur:  papae  ipsius  creatione  nihil  magis  probrosum.  Iam  quibus  insignibus  se  probabunt  eorum  esse  successores,  qui  a  Christo  ordinati  sunt  ad  docendum?  Dicebat  olim  sacerdotibus  leviticis  propheta,  quorum  tamen  ex  Dei  lege  haereditaria  erat  successio  :  Quia  tu  scientiam  repulisti,  [pag.  85]  repellam  et  ego  te,  ne  sacerdotio  mihi  fungaris  (Oseae  4,  6).  Quum  ergo  docendi  onus  abiecerint  spurii  isti  apostolorum  haeredes  et  supposititii  partus,  quid  attinet  eorum  foeditatem  honesto  titulo  fucare?  Ex  quo  e  Babylone  reversus  fuerat  populus,  quum  suam  dignitatem  iactarent  posteri  Aaron,  apud  alterum  prophetam  refellitur  eorum  iactantia:  Corruptum  et  abolitum  ab  ipsis  fuisse  foedus  Levi,  quoniam  populum  abduxerant  a  lege  (Mal.  2,  8).  Atque  haec  non  veteris  tantum  sacerdotii,  sed  hodierni  quoque  in  ecclesia  regiminis  regula  traditur,  ut  labia  sacerdotis  custodiant  [pag.  86]  scientiam,  et  legem  requirant  ex  ore  eius:  quia  angelus  Domini  exercituum  est  (ibid.  v.  7).  Respondeat  iterum  nobis  censor  noster,  quoniam  iurisconsultus  est,  quo  iure  successor  sit  latro  eius  quem  iugulaverit?  Atqui  longe  deterior  est  eorum  conditio,  qui  ut  imperio  suo  ecclesiam  subiicerent,  non  homines  modo  iugularunt,  sed  crudeliter  perdiderunt  miseras  animas,  exstinxerunt  aeternae  salutis  doctrinam,  Christum  non  absque  summa  contumelia  transfigurarunt,  et  improba  falsitate  rapuerunt,  vel  furati  sunt  alienum  titulum.  Quod  si  horum  quoque  nulla  fiat  mentio,  saltem  [pag.  87]  ostentent  umbram  aliquam  similitudinis,  unde  coniicere  liceat  ipsos  originem  ab  apostolis  ducere.  Sed  Heliogabalus  reperietur  Camillo  similior,  quam  ipsi  apostolis.  Apud  antiquos  scriptores,  quum  aliqua  adhuc  luceret  episcopalis  forma,  obiicitur,  fateor,  haec  successio  haereticis  qui  novum  sibi  evangelium  fabricabant.  Sed  frontis  sunt  nimium  perfrictae,  qui  purioris  saeculi  elogium  ad  porcos  et  canes  aliasque  impuras  bestias  trahunt.  Interim  quod  per  incogitantiam  elapsum  est  censori,  non  prorsus  repudio:  Romanam  ecclesiam  membrum  esse  catholicae,  [pag.  88]  modo  ecclesiam  aliquam  Romae  monstraret,  nec  secum  pugnaret  ipse  adeo  turpiter,  catholicam  ecclesiam  postea  vocando,  cui  nunc  tantum  adscribit  membri  nomen.  Superiori  doctrinae  attexit:  Quamvis  alieni  tyrannidem  exerceant  in  romana  ecclesia,  ecclesiam  tamen  esse:  quia  multos  electos  in  se  contineat,  et  in  ea  serventur  Dei  verbum  et  sacramenta.  De  electis,  concedo  ubique  esse  dispersos.  Neque  verum  esse  infitior  quod  ex  Augustino  citat,  multos  esse  in  domo  Dei,  qui  non  pertinent  ad  aedificium:  intus  [pag.  89]  quoque  illic  habere  hostes.  Nec  vero  opus  fuit  tam