5:547  ACTES  DE  RATISBONNE.  rusalem,  et  de  conferer  l'Evangile  par  luy  annonce  avec  Pierre,  Iacques  et  Iehan  (Gal.  2).  Non  pas  qu'iceluy  Evangile,  lequel  il  avait  receu  de  Dieu  seul,  fust  dependant  de  l'authorite  d'iceux,  mais  a  celle  fin,  que  recongnoissans  en  Paul  une  mesme  grace  de  predication,  luy  tendissent  la  main  de  societe,  qui  est  un  signe  de  concorde  et  consentement:  et  que  par  ce  signe  ils  confirmassent  les  Eglises  au  lien  de  foy  et  de  charite:  comme  entre  les  aultres  tesmoigne  Tertulien.  Et  puis  que  Christ  a  voulu  que  ceste  unite  de  l'Eglise  durast  iusque  a  la  fin,  par  un  ordre  Hierarchique,  a  ceste  cause  par  dispensation  divine  les  Evesques  ont  succede  au  lieu  des  Apostres.  Lesquelz,  ainsi  que  dict  Hierome,  ont  este  ordonnez  un  chascun  a  une  chascune  Eglise,  et  ce  pour  remedier  a  division,  de  peur  qu'un  chascun  tirant  a  soy  l'Eglise  de  Christ  ne  rompist  l'unite  d'icelle.  Aussi  [fol.  42]  entre  les  Evesques  d'une  chascune  province,  un  Archevesque  a  este  estably,  lequel  est  aussi  appelle  Metropolitain:  et  entre  les  Metropolitains,  Patriarches  ou  Primatz  ont  estez  constituez;  lesquelz,  au  commencement,  estoyent  seulement  trois  en  nombre.  Desquelz  celuy  de  Rome,  comme  ayant  par  succession  la  chayere  de  Pierre,  a  este  declaire  pour  Primat,  non  pas  pource  qu'il  fust  plus  excellent  que  les  aultres  en  dignite  de  prestrise,  mais  a  celle  fin  qu'il  precedast  en  grandeur  de  solicitude  et  en  prerogative  de  iurisdiction,  tellement  que  par  ce  moyen  l'Eglise  fust  conservee.  Cest  ordre  estant  ainsi  garde  et  conferme  par  legitime  succession  des  Evesques,  ce  lien  de  charite  qui  est  excellent  par  dessus  toutes  graces  est  principallement  aifermy  et  estably:  ce  que  Irenee  souvent  tesmoigne  et  enseigne.1)  Au  surplus:  a  celle  fin  que  ce  lien  de  charite  qui  est,  selon  que  dit  8.  Augustin,  un  don  propre  a  l'Eglise  catholique,  fust  plus  facillement  retenu,  Christ  a  donne  puissance  a  ses  ministres  de  son  Eglise  d'ordonner  une  police  Ecclesiastique,  qui  consiste  en  ceremonies  chrestiennes  et  discipline  de  l'Eglise.  Or  ce  qui  touche  les  Ceremonies,  ceux  qui  president  ont  puissance  et  commandement  de  constituer  non  seulement  Ceremonies,  lesquelles  ilz  verront  estre  duisantes  pour  exciter  et  retenir  Religion,  mais  aussi  pour  ordre  et  honnestete.  Semblablement  il  leur  a  este  donne  puissance  de  mettre  en  avant  et  de  dresser,  selon  la  reigle  de  foy  et  de  charite,  les  Ceremonies  externes  expressement  escriptes  es  sainctes  lettres  :  et  de  disposer  et  moderer  ce  qu'ilz  congnoistront  estre  suffisant  et  expedient  pour  le  salut  des  fideles,  selon  la  maniere  des  temps  et  des  lieux:  et  a  ce  tend  ce  dict  de  l'Evangile:  que  le  filz  de  1)  Livre  III.  et  IV.  contre  les  Heresies.