48:547  547  IN  ACTA  APOSTOLORUM  548  conspicua,  eorum  tamen  fastu  calcatur.  Nam  quae  ex  lege  et  prophetis  Paulus  disseruerat,  licet  nihil  haberent  delirio  affine,  imo  in  optima  ratione  fundata  essent,  ille  nihilominus  insaniae  tribuit:  non  quod  aliquid  videat  absurdum,  sed  quia  repudiat  quaecunque  non  capit.  Nihil  stultius  ejat  vel  magis  insulsum  gentium  superstitionibus,  ut  summos  antistites  merito  puderet  sua  mysteria  proferre,  quorum  ineptiae  plus  quam  ridiculae  erant.  Festus  in  Pauli  sermone  reconditam  eruditionem  agnoscit.  Interim  tamen,  quia  evangelium  incredulis  opertum  est,  quorum  mentes  excaecavit  Satan,  putat  hominem  esse  fanaticum,  qui  perplexas  ambages  involvat.  Ita,  quamvis  ridere  et  palam  contemnere  nequeat,  adeo  tamen  non  movetur,  ut  Paulum  habeat  pro  homine  arreptitio  et  insanae  curiositatis.  Hinc  etiam  fit  ut  animum  advertere  non  sustineat,  ne  se  eadem  implicet  insania.  Sicuti  multi  hodie  a  verbo  Dei  refugiant,  ne  se  demergant  in  labyrinthum:  ac  desipere  DOS  putant,  qui  disputationes  de  rebus  arcanis  movendo,  nobis  et  aliis  molesti  sumus.  Quare  hoc  exemplo  admoniti,  petamus  a  Domino  ut  patefacta  nobis  doctrinae  suae  luce,  simul  eius  gustu  nos  imbuat,  ne  sua  obscuritate  nobis  reddatur  insipida,  ac  tandem  superbum  fastidium  in  blasphemiam  erumpat.  25.  Non  insanio.  Non  succenset  Paulus,  nec  severius  blasphemam  Festi  vocem  exagitat:  imo  honorifice  eum  compellat.  Nam  neque  durior  obiurgatio  locum  habebat,  et  venia  danda  erat  hominis  inscitiae,  quum  minime  ex  professo  contra  Deum  insurgeret.  Rationem  etiam  habebat  personae.  Quamvis  enim  honore  indignus  esset,  praeerat  tamen  cum  imperio.  Neque  tamen  propterea  cedit  blasphemiae,  quin  verbo  Dei  suam  gloriam  asserat.  Unde  etiam  perspicimus,  posthabito  sui  respectu,  tantum  de  doctrina  fuisse  sollicitum.  Non  enim  iactat  suum  acumen,  non  contendit,  nec  laborat  pro  sua  prudentia:  sed  hac  una  defensione  contentus  est,  quod  nihil  doceat  nisi  verum  et  sobrium.  Veritas  porro  imposturis  et  fallaciis  quibuslibet  opponitur:  sobrietas  frivolis  speculationibus,  vel  spinosis  argutiis,  quae  tantum  contentionum  sunt  semina.  Occurrit  quidem  Paulus  Festi  errori:  sed  hinc  colligere  licet  quaenam  sit  proba  docendi  ratio,  quae  scilicet  non  modo  pura  est  ab  omnibus  fallaciis,  sed  neque  inebriat  hominum  mentes  vanis  quaestionibus,  nec  indulget  stultae  curiositati,  nec  intemperantem  plus  quam  par  est  sciendi  pruritum  fovet:  sed  moderata  est  ad  solidam  aedificationem.  26.  27.  Scit  enim  de  his  rex*  Convertit  se  ad  Agrippam  in  quo  plus  erat  spei.  Ac  primum  quidem  dicit  notam  illi  esse  rerum  historiam  :  sed  statim  eum  ad  legem  et  prophetas  revocat.  Neque  enim  multum  proderat  rem  gestam  tenere,  nisi  sciret  quae  praedicta  erant  de  Christo,  in  persona  Iesu  cruci-