40:547  547  PRAELECTIONES  548  autem  qui  excellunt  perspicacia  esse  hebetes,  ubi  opus  esset  iudicio  et  discretione.  Tenendum  igitur  est  et  mentes  et  corda  hominum  sic  gubernari  arcano  Dei  instinctu,  ut  mutet  affectus,  prout  visum  est.  Ita  non  est  cur  nobis  tantopere  metuamus  ab  hostibus  nostris,  qui  tametsi  pleno  gutture  rabiem  evomant,  et  referti  sint  saevitia,  possunt  tamen  flecti  a  Domino.  Et  ita  discamus  exemplo  Danielis,  secure  pergere  in  cursu  nostro,  et  non  deflectere,  etiam  si  totus  mundus  sese  nobis  opponat,  quia  Deo  facile  et  promptum  erit,  tollere  omnia  impedimenta.  Et  experiemur  humanos  qui  alioqui  sunt  crudelissimi,  quum  Dominus  volet  nobis  parcere.  Tenemus  tam  sensum  verborum,  quam  consilium  prophetae  in  hoc  versu.  Sequitur,  10.  Et  dixit  praefectus  eunuchorum  Danieli,  Timeo  ego  dominum  meum  regem,  qui  constituit  (nam  Minnah,  quod  est  narrare,  significat  ordinare,  vel  constituere:  qui  ergo  constituit)  cibum  vestrum,  et  potus  vestros  :  quare  videbit  facies  vestras  tristes  (vel,  macilentas,  vel  austeras,  vel  tetricas:  nam  descendit  a  verbo  rjyr  zaaph,  quod  significat  irasci:  sed  translatitie  ita  vocantur  facies  tetricae,  et  macilentae,  et  austerae)  prae  pueris,  qui  sunt  vobis  similes?  (alii  aequales  vertunt,  qui  sunt  secundum  similitudinem  vestram.  Posset  hic  esse  sensus,  qui  hodie  vobis  sunt  similes,  postea  erunt  pingues,  et  obesi,  vos  autem  macilenti.  Haec  mutatio  creabit  mihi  periculum),  et  obnoxium  reddetis  caput  meum  regi  (nam  2)H  hob  Hebraeis  est  debitor.  Inde  hoc  verbum  deducitur,  quod  significat  obnoxium  reddere).  Patitur  Daniel  repulsam  a  praefecto.  Et  certe  (quemadmodum  nuper  attigi)  non  laudata  fuit  illius  humanitas,  quod  obsequutus  sit  voto  et  precibus  Danielis,  sed  quod  sepelierit  illud  unde  poterat  Daniel  venire  in  magnum  discrimen.  Et  in  ipsis  verbis  apparet  humanitas,  quia  tametsi  negat  quod  fuerat  petitum,  excusat  tamen  comiter,  et  blandis  verbis,  quasi  diceret,  se  libenter  hoc  daturum  esse,  nisi  metueret  sibi  ab  iracundia  regis.  Haec  igitur  summa  est,  praefectum,  quamvis  non  ausus  fuerit  Danieli  morem  gerere,  tamen  humaniter  se  gessisse  erga  ipsum  et  eius  socios,  ne  traheret  eos  in  periculum  capitis.  Dicit  se  metuere  regem  qui  ordinavit  cibum.  Hic  non  est  vituperandus,  quod  sibi  ab  homine  mortali  metuat  magis,  quam  a  Deo  vivo.  Nulla  epim  potuit  esse  Dei  cognitio.  Quanquam  forte  persuasus  erat  Danielem  petere  sincero  studio  pietatis  quod  petebat:  tamen  non  putat  hoc  ad  se  spectare.  Putavit  enim  Iudaeis  suum  esse  peculiarem  cultum:  sed  interea  religio  babylonica  apud  eum  primatum  retinet:  quemadmodum  multi  profani  homines  putant  nos  recte  quidem  agere,  quum  abiicimus  superstitiones:  sed  interea  indormiunt