35:547  547  SECOND  SERMON  548  confus,  que  nous  retenions  neantmoins  cela  de  nous  offrir  a  Dieu,  et  luy  addresser  nos  souspirs  et  gemissemens.  Voyla  donc  ce  que  nous  avons  a  retenir.  Or  ce  n'est  point  sans  cause  qu'Ezechias  accompare  Dieu  a  un  lion:  car  (comme  nous  avons  veu  par  ci  devant)  toutes  les  douleurs  que  nous  sentirons  en  nos  corps,  et  tous  les  ennuis  que  nous  pourrons  concevoir,  ne  sont  rien  au  pris  de  ceste  apprehension  de  l'ire  de  Dieu.  Et  voyla  pourquoy  nous  disons  que  les  combats  spirituels  sont  beaucoup  plus  difficiles  que  toutes  les  tentations  que  nous  aurons.  Nous  appelons  combats  spirituels  quand  Dieu  nous  contraint  de  regarder  a  nos  pechez:  et  que  d'autre  coste  il  nous  esveille  en  telle  sorte  qu'il  nous  fait  penser  quelle  est  son  ire,  et  que  nous  le  concevons  la  comme  nostre  Iuge,  que  nous  sommes  adiournez  devant  luy  pour  rendre  conte.  Voyla  donc  un  combat  que  nous  nommons  spirituel,  qui  est  beaucoup  plus  pesant  et  plus  redoutable  que  toutes  les  fascheries,  angoisses,  craintes,  tormens,  doutes  et  perplexitez  que  nous  pourrions  avoir  quant  au  monde.  Or  quand  nous  en  serons  la  venus,  il  ne  se  faut  point  esbahir  si  Dieu  nous  est  comme  un  lion,  voire  selon  que  nous  le  pouvons  sentir:  car  il  n'est  point  yci  question  de  ce  mot  quant  a  la  nature  de  Dieu.  Et  quand  il  a  ainsi  tormente  le  Roy  Ezechias,  ce  n'est  pas  qu'il  eust  oublie  sa  bonte  et  misericorde,  laquelle  il  luy  monstre  d'autrepart:  mais  si  faloit-il  qu'Ezechias  se  cognust  estre  entre  les  mains  de  Dieu,  comme  entre  les  pattes  et  en  la  gueule  d'un  lion.  Et  faut  aussi  que  nous  en  venions  la,  comme  i'ay  desia  dit,  car  autrement  Dieu  ne  nous  peut  gaigner.  Il  y  a  une  telle  arrogance  en  nous,  que  tousiours  nous  pensons  estre  forts  et  robustes,  et  ne  pouvons  iamais  estre  abbatus  que  par  un  grand  tonnerre,  voire  par  foudre.  Et  puis  nous  ne  pouvons  magnifier  comme  il  appartient  la  puissance  de  Dieu  :  nous  en  parlerons  assez,  nous  en  penserons  aussi  quelque  chose,  mais  ce  n'est  pas  que  nous  luy  attribuyons  une  grandeur  infinie,  que  nous  soyons  comme  ravis  quand  nous  y  pensons,  et  que  cela  occupe  tous  nos  sens  comme  il  doit.  Il  faut  donc  que  nostre  Seigneur  (par  maniere  de  dire)  se  transfigure,  c'est  a  dire,  qu'il  se  rende  espovantable  plus  que  tous  les  lions  du  monde,  et  qu'il  se  declare  a  nous  avec  une  telle  puissance,  que  nous  soyons  effrayez  iusques  au  bout,  comme  si  nous  voyons  une  centaine  de  morts.  Car  l'ire  de  Dieu  n'est  point  seulement  pour  nous  faire  mourir,  mais  nous  voyons  les  gouffres  d'enfer  ouverts,  quand  Dieu  se  monstre  nostre  Iuge.  Ce  n'est  donc  point  merveilles  si  alors  nous  sommes  saisis  d'un  tel  estonnement,  comme  si  un  lion  nous  deschiroit  entre  ses  pattes,  et  qu'il  nous  brisast  les  os  avec  les  dents,  et  si  nous  concevons  une  telle