25:547  547  COMMENTARIUS  IN  IOSUE  CAP.  XXI.  548  de  haereditate  sua,  secundum  sermonem  Iehovae  urbes  istas,  et  suburbana  earum.  4.  Egressa  est  autem  sors  per  familias  Ceathitarum:  fueruntque  filiis  Aharon  sacerdotis  de  Levitis,  de  tribu  Iuda,  et  de  tribu  Simeon,  et  de  tribu  Beniamin  per  sortem,  urbes  tredecim.  5.  Filiis  autem  Ceath  reliquis,  de  familiis  tribus  Ephraim,  et  de  tribu  Dan,  et  de  dimidia  tribu  Menasse,  per  sortem,  vebes  decem.  6.  Filiis  vero  Gerson  de  familiis  tribus  Issachar,  de  tribu  Aser,  et  de  tribu  Nephthali,  et  de  dimidia  tribu  Manasse  in  Basan,  per  sortem,  urbes  tredecim.  7.  Filiis  Merari  per  familias  suas,  de  tribu  Euben,  et  de  tribu  Gad,  et  de  tribu  Zabulon,  urbes  duodecim.  8.  Dederunt,  inquam,  filii  Israel  Levitis  urbes  has,  et  suburbana  earum,  sicut  praeceperat  Iehova  per  manum  Mosis,  per  sortem.  9.  Dederunt  ergo  de  tribu  filiorum  Iuda,  et  de  tribu  filiorum  Simeon  urbes  istas  quas  vocavit  nomine.  10.  Fueruntque  filiis  Aharon  de  familiis  Ceath,  de  filiis  Levi:  illis  enim  fuit  sors  prima.  11.  Dederuntque  eis  Ciriath-arba  patris  Anac  (ipsa  est  Hebron)  in  monte  Iuda,  et  suburbana  eius  per  circuitum  eius.  12.  Agrum  vero  eius  urbis  ei  villas  eius  dederunt  Caleb  filio  Iephune  in  possessionem  eius.  13.  Filiis,  inquam,  Aharon  sacerdotis  dederunt  urbem  refugii  homicidae,  Hebron,  et  suburbana  eius,  et  Libna  et  suburbana  eius:  14.  Et  Iathir,  et  suburbana  eius:  et  Esthemoa,  et  suburbana  eius.  15.  Holon,  et  suburbana  eius,  et  Debir,  et  suburbana  eius:  16.  Et  Ain,  et  suburbana  eius,  et  Iuttah,  et  suburbana  eius:  et  Bethsemes,  et  suburbana  eius:  urbes  novem  de  duabus  tribubus  istis.  17.  De  tribu  vero  Beniamin,  Gibeon,  et  suburbana  eius:  et  Geba,  et  suburbana  eius.  18.  Anathoth,  et  suburbana  eius:  Almon,  et  suburbana  eius:  urbes  quatuor.  19.  Omnes  urbes  filiorum  Aharon  sacerdotum,  tredecim  urbes  et  suburbana  earum.  1.  Accesserunt.  Hic  posterius  narratur  quod  praecedere  debuit.  Neque  enim  civitates  refugii  prius  fuerunt  datae,  quam  assignatae  essent  Levitis.  Huc  accedit  quod  ante  dictum  fuit,  Iosue  et  Eleazar  finem  fecisse  dividendae  terrae.  Neque  enim  vere  divisa  fuit  terra  donec  sua  Levitis  habitatio  attributa  esset.  Tenendum  igitur,  quum  sortitio  facta  fuit  decem  tribuum  nomine,  detractas  fuisse  urbes  in  terra  Chanaan,  in  quibus  Levitae  habitarent.  Iam  enim  trans  Iordanem  sua  eis  portio  obtigerat.  Caeterum  ubi  accedunt  Levitae,  et  ratum  esse  postulant  Dei  munus,  ut  urbes  possideant  cum  suburbiis,  probabile  est  fuisse  neglectos,  donec  causam  suam  agerent.  Sic  enim  accidere  solet  dum  quisque  ad  sua  curanda  attentus  est,  ut  fratrum  obliviscatur.  Certe  turpe  fuit  vellicari  aurem  populo,  et  in  memoriam  revocari  quod  Deus  de  Levitis  clare  iusserat.  Atqui  nisi  domicilium  sibi  flagitassent,  periculum  erat  ne  iacerent  sub  dio.  Quanquam  simul  colligere  licet,