9:546  tatae  sunt  pompae  quae  ablutionem  a  Christo  mandatam  obruerent.  Verum  ut  haec  praeteream,  respondeat  censor  quid  sit  Ephetah,l)  nisi  manifestum  Christi  ludibrium,  [pag.  80]  Christus  muto  linguam  restituit  luto  et  sputo  inter  se  mixtis  :  Christi  miraculum  aemulatur  histrio,  sputum  admovens  labris  infantis.  Quid  a  Christi  institutione  remotius?  Itaque  dicere  soleo,  ut  integro  baptismo  fruar,  me  chrismati  et  aliis  faecibus  renunciare.  Quoad  coenam,  videtur  ad  ingenuitatem  accedere,  ubi  in  eius  celebratione  nonnihil  vitii  posse  videri  agnoscit.  Sed  quid  hoc  est:  Nonnihil  vitii;  deinde:  Videri;  tertio:  Posse?  O  lingua  plus  quam  meretricia  !  Ergo  nonnihil  vitii  videri  poterit,  quod  in  locum  communicationis  successit  excommunicatio,  quum  unus  devorat  [pag.  81]  quod  Christus  iussit  inter  fideles  distribui:  quod  dum  semel  quotannis  partem  erogant  populo,  nefando  divortio  calicem  separaverint  a  pane,  atque  ita  mutilaverint  sacram  coenam:  quod  frustulum  panis  adorandum  loco  Christi  attollant:  quod  ubi  iubet  Christus  ipse  accipere,  Deo  patri  se  offerre  fingant:  quod  iactent  sacrificium  applicari  tam  vivis  quam  mortuis,  in  quorum  gratiam  redimitur:  quod  foedam  in  suis  missis  nundinationem  exerceant:  quod  sacra  Christi  coena  in  missam  Barbarae  et  Christophori  conversa  sit.  Quid  obsecro  affine  habet  Christi  institutio  [pag.  82]  cum  tot  diabolicis  praestigiis?  Sequitur  ultimo  loco  validissimum  praesidium,  quod  nobis  opponere  solent  omnes  rabulae  qui  ad  papatus  defensionem  linguam  suam  locant  aut  vendunt,  perpetua  scilicet  episcoporum  successio:  de  qua  hoc  loco  prolixe,  ut  res  postulat,  disputare,  actum  agere  esset.  Nec  sum  ex  eorum  numero  qui  centies  idem  dicendo  se  oblectant,  nec  se  satiant.  Si  quem  moveat  hoc  cavillum,  Institutio  nodum  solvet.  Si  quid  amplius  desiderent  lectores,  consulant  Refutationem  Interim  germanici.  Unum  scire  velim  ex  censore  nostro,  crearintne  in  suum  locum  apostoli  sacrificos,  qui  Christum  [pag  83]  mactarent?  Paulus  sacerdotio  suo  gloriatur,  quod  evangelii  gladio  gentes  Deo  immolet  puram  victimam  (Rom.  15,  16).  Qualis  autem  inaugurandi  forma  in  papatu?  Nota  sunt  verba  solennia:  Damus  tibi  potestatem  offerendi  placabiles  hostias,  etc.  An  id  unquam  venit  in  mentem  apostolis  resignare  aliis  Christi  sacerdotium,  atque  ita  dare  quod  non  acceperant?  Ergo  ut  bene  texatur  successio,  desinant  qui  nunc  vocantur  praesules,  esse  sacrifici.  Donec  enim  offerendi  Christi  munere  se  abdicaverint,  nihil  habebunt  cum  apostolis  commune:  imo  alienissimam  [pag.  84]  personam  gestabunt.  Porro  ut  illis  largiar  successisse  apostolis  multos  degeneres.  3)  Confer  Marc.  7.  34.  35