6:546  est  possible  pour  s'en  acquiter.  Quoy  qu'il  soit,  que  nous  ayons  tousiours  l'imitation  de  Iesus  Christ  pour  nostre  but:  duquel  il  est  dict,  que  le  zele  de  la  maison  de  Dieu  l'a  devore  (Ps.  69,  10;  Iean  2,  17):  c'est  a  dire  qu'il  a  este  enflambe  d'une  telle  [page  15]  affection  a  edifier1)  et  entretenir  l'Eglise  de  Dieu,  que  ce  a  este  comme  un  feu  ardent  en  son  cueur,  qui  ne  l'a  iamais  laisse  reposer.  D'autrepart,  escoutons  ce  qui  est  dict2)  de  ceux  qui  n'ont  ose  confesser  Iesus  Christ  apres  avoir  creu  en  luy.  C'est  qu'ilz  ont  mieux  ayme  la  gloire  des  hommes  que  celle  de  Dieu  (Iean  12,  43).  N'est-ce  pas  un  trop  malheureux  chois  et  pervers  de  preferer  les  hommes  a  Dieu?  Gardons  nous  donc  de  venir  en  telle  condemnation.  Mais  ce  que  nous  avons  proprement  entrepris  de  traicter  pour  ceste  heure  est  assavoir,  si  l'homme  Chrestien,  estant  droictement  instruit  en  la  verite  de  l'Evangile,  quand  il  est  entre  les  papistes,  offence  Dieu  ou  non,  en  faisant  comme  les  autres,  allant  a  la  messe,  honorant  les  images  et  reliques,3)  et  usant  de  telles  ceremonies.  Et  afin  de  prevenir  la  cavillation  d'aucuns:  nous  ne  sommes  pas  sur  ceste  difficulte,  assavoir  si  c'est  mal  faict  de  dissimuler:  mais  de  simuler  et  se  contrefaire  [page  16]  contre  la  verite.  Dissimulation  se  commet  en  cachant  ce  qu'on  a  dedans  le  cueur.  Simulation  est  plus,  c'est  de  faire  semblant  et  feindre  ce  qui  n'est  point  En  somme,  ce  qui  seroit  mentir  de  bouche,  est  simuler  de  faict.  Pour  definir  de  ceste  question  il  est  a  noter,  que  comme  ii  y  a  double  honneur  que  nous  devons  a  Dieu:  assavoir  le  service  spirituel  du  cueur,  et  l'adoration  exterieure:  aussi  au  contraire  il  y  a  double  espece  d'idolatrie.  La  premiere  est,  quand  l'homme  par  faulse  phantasie  qu'il  a  conceu  en  son  esprit,4)  corrompt  et  pervertit  le  service  spirituel  d'un  seul  Dieu.  L'autre  est,  quand  pour  quelque  cause  que  ce  soit,  il  transfere  l'honneur  qui  appartenoit5)  k  Dieu  seul,  a  quelque  creature:  comme  a  une  image.  Commencons  donc  par  le  devoir  que  nous  avons  envers  Dieu  pour  le  servir  deuement.  Suffit-il  que  chascun  tienne  Dieu  a  parsoy  pour  son  sauveur,  le  glorifiant  en  cachete?  Mais  il  requiert  plus  de  nous,  disant  qu'il  le  [page  17]  nous  fault  porter,6)  tant  en  nostre  corps  qu'en  nostre  esprit.  Et  adiouste  la  raison,  pource  que  tous  deux  sont  a  luy.  Quand  nous  n'aurions  pas  1)  edifier  et,  manque  dans  la  traduction.  2)  quid  spiritus  pronunciet.  3)  honorant  les  images  et  reliques,  est  omis  par  le  traducteur.  4)  qu'il  a  conceu  en  son  esprit,  ne  se  trouve  pas  dans  la  traduction.  5)  appartient  1566  suiv.  6)  ut  nomen  suum  gestemus.  35