5:546  avance  en  Christ:  tellement  que  nous  ne  soions  plus  comme  petiz  enfans,  flottans,  estans  transportez  a  chascun  vent  de  doctrine,  en  la  finesse  des  hommes,  par  l'astuce,  en  laquelle  il  nous  assaillent,  pour  nous  decevoir:  ains  suyvans  verite,  que  en  charite  nous  croissions  en  luy  par  toutes  choses,  qui  est  le  chef,  c'est  assavoir  Christ,  duquel  si  tout  le  corps  est  lie  et  conioinct  par  toute  ioincture  de  subministration,  selon  l'operation  en  la  mesure  de  chascune  partie,  faict  augmentation  du  corps  en  edification  de  soymesme  par  charite  (Ephes.  4,  l  l  ss.).  Parquoy  ainsi  que  dict  S.  Cyprian:  l'union  de  l'Eglise  doit  estre  fermement  soustenue  et  maintenue,  principalement  des  Evesques  qui  president  en  l'Eglise  au  lieu  des  Apostres,  a  celle  fin  aussi  que  nous  approuvions  l'Episcopat  estre  un  et  sans  division.  Car  il  n'y  u  qu'un  Episcopat,  duquel  quiconque  est  participant  a  sa  portion  entiere.  L'Eglise  est  une  qui  est  estendue  et  dilatee  en  multitude  par  l'accroissement  de  sa  fertilite:  tout  ainsi  que  il  y  a  plusieurs  rayons  au  Soleil,  mais  ne  y  a  qu'une  lumiere:  et  plusieurs  rameaux  en  un  arbre,  mais  il  n'y  a  qu'un  seul  tronc  fonde  sur  forte  racine.  A  ceste  cause  aussi,  combien  que  Christ  apres  sa  resurrection,  ayt  donne  a  tous  ses  Apostres  une  mesme  authorite,  comme  dit  S.  Cyprian:  toutesfoys  pour  manifester  ceste  unite,  il  a  dispose  par  son  authorite,  que  l'origine  de  ceste  mesme  authorite  commenceast  d'un  seul.  Car  (comme  il  dit  puis  apres)  les  aultres  Apostres  estoient  telz  que  Pierre,  estans  en  [fol.  41]  mesme  compaignie,  douez  de  mesme  honneur  et  puissance.  Mais  le  commencement  prouvient  d'unite,  a  celle  fin  que  l'Eglise  soit  monstree  estre  une.  Cestes  sont  les  parolles  du  dict  Cyprian.  De  la  vient  que  les  Escriptures  descrivent  Pierre,  comme  le  chef  et  comme  la  bouche  et  Prince  des  Apostres:  auquel  Christ  a  communique,  non  seulement  sa  puissance,  mais  aussi  son  nom:  et  combien  que  non  seulement  a  luy  seul,  mais  toutesfoys  a  luy  principalement  avec  les  autres,  a  celle  fin  que  parce  l'unite  de  l'Eglise  fust  representee:  auquel  il  a  remiz  la  principale  sollicitude,  quand  il  luy  a  donne  charge  de  paistre  ses  ouailles  (Iean  21,  15),  luy  laissant  aussi  le  soing  de  confirmer  ses  freres  pour  l'edification  et  soubstenance  de  l'Eglise  (Luc  22,  32).  Lequel  soing  il  semble  avoir  prins  incontinent  au  commencement  de  l'Eglise,  comme  nous  lisons  aux  Actes  des  Apostres:  qu'il  a  passe  et  visite  tous  les  aultres:  ce  qu'il  a  faict,  non  pour  destruction  de  ce  que  les  aultres  avoient  bien  edifie,  ains  pour  leur  confirmation:  c'est  assavoir,  a  ce  qu'on  congneust  que  l'Evangile  presche  par  les  aultres  respondoit  en  toutes  choses  a  celuy  de  son  apostolat,  et  que  ce  n'estoit  qu'un  mesme  Evangile  de  tous,  ce  qui  esmeut  aussi  Paul  d'aller  en  Hie-  35