35:546  nous  verrons  que  tout  ce  que  nous  avions  pense  de  luy  n'estoit  sinon  quelque  petit  ombrage.  Ainsi  donc  apprenons  de  considerer  quelle  est  la  puissance  de  Dieu,  et  d'appliquer  la  tous  nos  sens  et  nos  estudes,  et  que  nous  en  soyons  touchez  pour  cheminer  en  sa  crainte,  et  redouter  sa  maieste,  cognoissans  qu'encores  ne  nous  fait-il  sentir  que  quelque  petit  goust  de  sa  vertu:  car  s'il  nous  vouloit  presser  a  bon  escient,  nous  trouverions  que  ce  que  nous  avions  auparavant  pense  n'estoit  que  de  loin,  et  quasi  comme  en  songeant.  Voyla  donc  ce  que  le  bon  Roy  Ezechias  a  voulu  exprimer,  afin  que  par  son  exemple,  nous  apprenions  de  ne  point  conter  sans  nostre  hoste:  mais  que  nous  scachions  que  c'est  une  chose  merveilleuse  des  iugemens  de  Dieu,  et  des  corrections  qu'il  envoye  pour  punir  les  pechez  des  hommes.  Que  donc  nous  ne  pensions  pas  avoir  tout  compris,  car  nostre  capacite  est  trop  petite,  mais  que  tousiours  nous  soyons  conduits  plus  loin:  c'est  ascavoir  que  si  ainsi  est,  que  quand  Dieu  nous  redresse  et  chastie,  desia  nous  sommes  saisis  de  frayeur:  et  encore  que  nous  soyons  stupides,  il  nous  fait  toutesfois  sentir  quelle  est  sa  maieste,  et  combien  puissante:  que  nous  comprenions  qu'elle  l'est  encore  cent  mille  fois  plus  que  nos  esprits  ne  concoyvent,  et  que  la  dessous  tousiours  nous  soyons  tant  plus  incitez  a  le  craindre.  Or  quant  a  ceste  similitude  d'un  lion,  il  est  vray  qu'il  semble  qu'Ezechias  face  yci  tort  a  Dieu:  car  ce  n'est  point  parler  de  luy  en  telle  reverence  comme  ii  merite,  de  l'accomparer  a  une  beste  cruelle  qui  devore,  qui  brise,  qui  casse,  qui  deschire  et  qui  rotnpt  tout.  Or  nous  scavons  que  l'Escriture  nous  presche  de  Dieu  tout  le  contraire  de  ce  mot,  c'est  assavoir  qu'il  est  benin,  pitoyable,  patient,  plein  de  misericorde,  plein  d'equite  et  douceur:  brief,  qu'il  porte  une  telle  amour  aux  hommes,  qu'il  ne  demande  sinon  de  les  tenir  delicatement  comme  ses  propres  enfans.  Puis  qu'ainsi  est  donc  que  Dieu  se  declare  estre  tel,  il  semble  bien  qu'Ezechias  blaspheme  en  l'accotnparant  a  un  lion:  mais  yci  le  bon  Roy  n'a  point  voulu  contester  contre  Dieu,  il  a  seulement  declare  ses  passions,  et  ne  Ta  point  fait  pour  prescher  ses  louanges  (comme  nous  avons  veu  par  ci  devant)  mais  il  a  mieux  aime  recevoir  ceste  honte  iusques  en  la  fin  du  monde,  qu'on  cognust  quelle  estoit  sa  fragilite,  et  que  nous  en  eussions  instruction  qui  nous  profitast.  Voyla  donc  comme  Ezechias  ne  s'est  point  espargne,  mais  s'est  propose  a  nous  pour  exemple,  afin  que  nous  voyons  comme  il  a  este  saisi  de  frayeur,  et  que  par  cela  nous  soyons  appris  de  craindre  Dieu,  et  nous  armer  aussi  de  ses  promesses,  quand  nous  viendrons  en  tels  troubles,  afin  que  nous  persistions  a  l'invoquer.  Et  encores  que  nous  defaillions  du  tout^  et  soyons  35