32:546  qu'il  nous  daigne  bien  recevoir,  et  mesmes  il  nous  appelle,  nous  convie,  et  nous  donne  la  hardiesse  de  le  requerir,  afin  qu'il  nous  subvienne  en  toutes  nos  necessitez.  Or  ceste  bonte-la  seroit  cachee  en  Dieu,  sinon  que  sa  promesse  nous  la  fist  sentir:  car  Dieu  se  declaire  tel  qu'il  est,  il  desploye  son  coeur  quand  il  nous  rend  tesmoignage  de  l'amour  qu'il  nous  porte.  Voyla  pourquoy  i'ay  dit,  qu'en  toutes  nos  prieres  nous  devons  avoir  ces  deux  considerations  la:  L'une  est,  que  Dieu  est  si  bon  et  si  amiable,  que  combien  que  nous  soyons  si  povres  creatures  qu'il  n'ha  rien  de  nous  que  toute  ordure  et  puantise,  neantmoins  qu'il  ne  laisse  pas  de  nous  porter  amour,  et  d'avoir  le  soin  de  nostre  salut.  Et  puis  que  nous  venions  a  la  promesse,  laquelle  nous.  est  un  certain  tesmoignage  que  Dieu  est  tel,  et  qu'il  ne  nous  faut  plus  douter  quelle  affection  il  nous  porte,  s'il  nous  est  amy  ou  ennemy,  puis  qu'ainsi  est  qu'il  s'est  bien  voulu  obliger  a  nous  en  nous  declairant  qu'il  est  nostre  Pere,  ot  qu'il  nous  tiendra  pour  ses  enfans.  Or  David  fait  une  telle  requeste,  comme  desia  nous  avons  touche,  afin  qu'il  ait  dequoy  respondre  a  ceux  qui  luy  font  opprobre.  Combien  qu'il  y  ait  de  mot  a  mot:  Afin  que  ie  responde  paroles  a  ceux  qui  me  font  opprobre.  Yci  David  declaire,  que  quand  il  aura  este  secouru  de  Dieu,  qu'alors  il  aura  dequoy  pour  resister  a  tous  ses  ennemis:  qu'il  pourra  repousser  toutes  les  iniures  et  moqueries  des  incredules,  lesquelles  ils  mettent  au  devant,  afin  d'esbranler  les  fideles,  et  de  renverser,  voire  et  aneantir  leur  foy  du  tout,  s'il  leur  estoit  possible.  Par  cela  nous  sommes  advertis,  moyennant  que  nous  requerions  Dieu,  quand  tout  le  monde  nous  viendroit  assaillir  et  qu'il  sembleroit  que  nous  deussions  estre  cent  mille  fois  abysmez,  que  nous  pourrons  tenir  bon  contre  tous  nos  ennemis:  voire,  car  Dieu  ne  nous  defaudra  point  quand  nous  l'aurons  requis,  et  que  nous  l'aurons  prie  d'accomplir  ses  promesses  envers  nous,  et  nous  faire  sentir  sa  bonte  a  nostre  salut.  Au  reste,  si  nous  avons  dequoy  resister  aux  meschans  qui  viennent  pour  abbatre  et  aneantir  nostre  foy,  nous  aurons  aussi  dequoy  resister  a  Satan:  car  quand  les  hommes  nous  viennent  persecuter,  ou  qu'ils  se  moquent  des  promesses  de  Dieu  et  qu'ils  taschent  de  nous  en  divertir,  ils  n'y  viennent  pas  d'eux-mesines:  mais  c'est  le  diable  qui  les  pousse.  Ainsi  donc,  nous  pourrons'  batailler  iusques  a*  la  victoire  a  rencontre  de  tous  les  combats  de  Satan,  quand  nous  requerrons  Dieu  a  l'exemple  de  David.  Mais  notons  aussi  ce  qu'il  adiouste,  en  disant,  Fay  espere  en  ta  Parole.  Il  monstre  a  quelles  enseignes  il  a  requis  Dieu  par  cy  devant  qu'il  luy  fist  selon  sa  promesse.  Car  i'y  ay  espere,  dit-il.  Voulonsnous  donc  que  les  promesses  de  Dieu  ayent  lieu  35