6:545  ENTRE  LES  PAPISTES.  que  dict  sainct  Paul  ne  peut  faillir  que  comme  on  croit  de  cueur  a  iustice,  aussi  on  faict  confession  de  bouche  a  salut  (Rom.  10,  10):  en  quoy  il  signifie,  que  la  vraye  foy  ne  peut  estre  devant  Dieu  qu'elle  ne  produise  confession  devant  les  hommes.  Brief,  nostre  Seigneur  nous  appelle  tous  a  confesser  son  Nom.  Quiconque  s'en  recule,  il  faut  qu'il  cherche  un  autre  maistre.  Maintenant  on  demandera,  s'il  fault  donc  que  chascun  se  declaire  publiquement  pour  faire  son  devoir?  Ie  respons,  que  ce  n'est  pas  mon  intention.  Car  puis  que  c'est  un  office  particulier,  que  de  prescher  publiquement,  qu'il  n'est  ia  mestier  que  chascun  s'en  mesle,  et  mesme  ne  seroit  expedient  ne  convenable.  Ie  n'entens  pas  donc  que  [page  13]  tous  montent  en  chaere,  pour  demonstrer  leur  chrestiente:  ou  qu'ilz  la  publient  par  les  rues,  comme  a  son  de  trompe,l)  mais  qu'un  chascun  selon  la  vocation  en  laquelle  il  est,  advise  de  donner  gloire  a  Dieu.  Or  pource  que  nostre  Seigneur  n'a  point  determine  ne  le  temps,  ne  le  lieu,  ne  la  mesure  iusque  a  laquelle  on  doit  proceder:  nous  n'en  pouvons  pas  aussi  faire  certaine  loy.  Mais  il  convient  que  chascun  en  son  endroit  s'employe  a  ce  faire  fidelement  selon  tous  les  moyens  qu'il  aura,  considerant  tousiours  l'estat  ou  il  est  et  la  grace  que  Dieu  luy  a  faicte.  Et  pource  que  nous  sommes  tant  paresseux  et  nonchallans  sinon  que  nous  ayons  tousiours  quelque  esperon  pour  nous  poindre  et  inciter,  que  nous  ayons  ces  belles  sentences  imprimees  en  nostre  cueur:  ou  il  nous  est  commande  d'estre  prestz  a  rendre  raison  de  l'esperance  qui  est  en  nous,  a  chascun  qui  nous  en  demandera  (1  Pierre  3,  15):  pareillement  ou  il  est  dict  que  l'office  de  chascun  fidele  [page  14]  est  de  prendre  son  prochain  par  les  bras  et  dire:  Allons,  montons  en  la  montaigne  de  Sion,  en  la  maison  du  Dieu  de  Iacob:  et  il  nous  enseignera  de  cheminer  en  ses  voyes2)  (Esaie  2,  3;  Mich.  4,  2).  Nous  voyons  qu'il  y  doit  avoir3)  un  tel  zele  en  nous  tant  d'exalter  le  regne  de  Dieu  que  d'edifier  noz  prochains,  que  nous  estendions  toute  nostre  vertu,  et  applicquions  toute  nostre  estude  a  cela.  Mais  pource  que  nous  n'avons  reigle  certaine  pour  nous  certifier,  iusque  a  ou,  et  combien  il  nous  fault  marcher,  il  reste  qu'un  chascun  prie  nostre  Seigneur  de  l'adresser  en  vraye  prudence,  pour  iuger  ce  qui  sera  expedient:  puis  apres  que  selon  sa  faculte,  4)  selon  le  degre  d'intelligence  qu'il  a,  cherche  tous  les  moyens  et  occasions  qu'il  1)  comme  a  son  de  trompe,  manque  dans  le  latin.  2)  Au  lieu  de  cette  citaiion,  le  texte  latin  met  simplement,  quemque  nostrum,  arrepta  proximi  manu,  debere  sanctis  exhortationibus  adducere  quos  possumus  ad  Dominum.  3)  passim  requirit  scriptura.  4)  selon  sa  faculte,  manque  1566  suiv.  Calvini  opera.  Vol  V  L