5:545  ACTES  DE  BATISBONNE.  Donc  ceste  unction  est  appliquee  avec  l'oraison,  a  celle  fin,  que  le  malade  confirme  en  la  foy  et  oraison  de  l'Eglise,  ayt  confiance,  qu'il  est  regarde  et  exauce  de  Dieu  comme  un  membre  vif  de  l'Eglise,  et  que  comme  tresvaillant  gendarme,  il  conceoive  une  esperance  immobile  de  triumpher  en  Christ  sur  toutes  adversitez:  a  celle  fin  aussi,  qu'il  embrasse  et  attende  par  certaine  fiance  le  salut  eternel,  soit  qu'il  meure,  ou  qu'il  guarisse,  estant  appuye  feur  la  promesse  de  Dieu,  qui  ne  peult  decevoir:  et  ce  comme  s'il  estoit  fonde  sur  un  tresseur  fondement.  Du  lien  de  charites  qui  est  la  troisiesme  marque  de  l'Eglise.  La  troisiesme  marque,  par  laquelle  l'Eglise  vrave  est  congneue  d'entre  les  aultres,  est  le  lien  de  charite  et  de  paix,  le  plus  excellent  entre  les  aultres  dons  de  l'Eglise  (1  Cor.  13;  Ephes.  4,  15  s.;  Col.  3,  14).  Et  a  celle  fin  qu'icelluy  demourast  ferme  en  l'Eglise,  Dieu  nous  a  appelle  des  le  commencement  par  le  Baptesme,  en  l'union  du  corps  mystique,  et  nous  a  abbreuve  par  un  seul  Esprit,  lequel  estant  envoye  d'en  hault  nous  avons  receu,  a  celle  fin  que  nous  fussions  tous  membres  d'un  corps.  De  Tordre  HierarcMque  de  l'Eglise  et  de  l'authorite;  pour  constituer  la  police  d'icelle.  Or  il  a  ainsi  tempere  ce  corps  mystique,  et  assemble  de  plusieurs  membres,  que  l'un  a  tousiours  besoing  de  l'aultre:  et  que  le  plus  noble  et  excellent  ne  doit  point  mespriser  le  moins  noble  et  le  plus  infirme,  a  celle  fin  que  nulle  division  fust  au  corps:  ains  que  les  membres  soient  tellement  solliciteux,  que  si  l'un  souffre,  les  aultres  souffrent  avec  :  si  l'un  est  honnore,  que  tous  les  aultres  membres  s'esiouyssent  avec.  A  un  chascun  membre  est  donne  grace  selon  la  mesure  de  la  donation  de  Christ.  Car  combien  que  ce  soit  un  mesme  Esprit,  toutesfoys  il  y  a  divisions  de  [fol.  40]  graces:  et  qu'il  n'y  ayt  qu'un  mesme  Seigneur,  toutesfoys  il  y  a  divisions  de  ministeres:  et  qu'il  n'y  ayt  qu'un  mesme  Dieu,  qui  oeuvre  toutes  choses  en  tous,  toutesfoys  il  y  a  division  d'operations  (1  Cor.  12,  4  ss.).  Parquoy  il  a  donne  aucuns  Apostres,  les  aultres  Prophetes,  les  aultres  Evangelistes,  les  aultres  Pasteurs  et  Docteurs,  pour  instauration  des  sainctz  en  l'oeuvre  du  ministere,  pour  l'edification  du  corps  de  Christ,  iusques  a  ce,  que  tous  soions  parvenuz  en  unite  de  foy,  et  congnoissance  du  Filz  de  Dieu,  en  homme  parfaict,  en  la  mesure  d'eage  pleinement  Calvini  opera.  Vol  V.