35:545  545  SUR  LE  CANTIQUE  D'EZECHIAS.  546  mediter  les  promesses  qu'il  nous  donne,  et  pour  prendre  hardiesse  d'approcher  de  luy,  cela  nous  doit  desplaire,  nous  devons  sentir  que  nous  sommes  bien  eslongnez  de  noitre  coste:  mais  cependant  encores  nous  faut-il  surmonter  ceste  tentation-la.  Quand  donc  un  homme  se  sentira  en  tel  trouble,  qu'il  ne  pourra  point  arracher  un  seul  mot  en  priant  Dieu,  qu'il  sera  la  accapi,  et  qu'il  ne  scaura  par  quel  bout  commencer,  si  faut-il  encores  prier  quoy  qu'il  en  soit.  Et  en  quelle  sorte?  Que  nous  gazouillions  pour  le  moins,  c'est  a  dire,  que  nous  iettions  des  souspirs  et  gemissemens  qui  monstrent  quelque  passion  excessive,  comme  si  nous  estions  la  a  la  torture.  Et  Dieu  exauce  ces  gemissemensla:  comme  mesmes  nous  voyons  que,  S.  Paul  dit,  que  le  sainct  Esprit  nous  incite  a  des  gemissemens  inenarrables,  c'est  a  dire,  qui  ne  se  peuvent  reciter.  Si  donc  l'on  vouloit  faire  un  art  de  rhetorique  des  oraisons  des  fideles,  c'est  un  abus:  car  nostre  Seigneur  nous  humilie  en  cest  endroit,  afin  que  nous  ne  cuidions  rien  obtenir  de  luy  par  quelque  belle  parade:  il  veut  plustost  que  nous  soyons  tant  confus  que  nous  n'ayons  pas  un  seul  mot  adroit  en  nos  oraisons,  mais  que  nous  iettions  la  des  bouillons  et  des  bouffees,  et  puis  que  nous  demeurions  la  tout  cois:  helas,  mon  Dieu!  helas,  que  feray-ie?  et  quand  nous  gemirons  ainsi,  que  nous  soyons  la  entortillez,  tellement  qu'il  n'y  ait  ne  commencement  ne  issue.  Quand  donc  nous  en  serons  la,  nostre  Seigneur  cognoist  ce  langage,  encores  qu'il  ne  soit  point  entendu  de  nous,  et  que  nos  perplexitez  nous  empeschent  que  nous  ne  puissions  pas  deduire  un  propos  entier,  que  les  hommes  aussi  ne  scachent  ce  que  nous  voulons  dire,  toutesfois  Dieu  (comme  desia  nous  avons  dit)  nous  exaucera  bien.  Voyla  donc  ce  que  nous  avons  a  retenir  en  ce  passage.  Que  si  les  angoisses  nous  pressent,  combien  que  Satan  par  ce  moyen  la  tasche  de  nous  exclure  tellement  que  nous  ne  prions  point  Dieu,  mais  que  nous  soyons  comme  esgarez  de  luy,  que  nous  ne  laissions  pas  de  presenter  a  Dieu  ces  gemissemens-la,  encore  qu'ils  soyent  confus.  Or  Ezechias  la  dessus  dit  Qu'il  contoit  iusques  au  soir,  et  que  Dieu  luy  a  brise  tous  ses  os,  comme  sJil  estoit  en  la  gueule  et  entre  les  pattes  d'un  lion.  En  disant  qu'il  a  conte,  et  bien,  ie  verray  ce  qui  adviendra  iusques  a  la  nuit:  mais  (dit-il)  le  mal  a  surmonte,  car  ie  n'avois  pas  encores  assez  cognu  la  puissance  terrible  et  espovantable  de  Dieu,  quand  il  se  dresse  contre  une  povre  creature.  Or  yci  nous  avons  a  retenir  encore  que  par  la  parole  de  Dieu  nous  ayons  este  enseignez  quelle  est  sa  force,  et  que  nous  l'ayons  aussi  senti  par  experience,  si  est-ce  que  nons  n'en  concevons  qu'une  portion  tant  seulement.  Car  Dieu  se  levera  en  telle  facon  que  Calvini  opera.  Vol.  XXXV.