32:545  545  SUR  LE  PSEAUME  CXIX.  546  nous  sa  Parole?  tenons  la  chose  desia  comme  faite.  Et  ainsi,  quand  David  dit,  Selon  ta  Parole,  il  monstre  qu'il  n'a  point  este  asseure  seulement  que  Dieu  est  fidele  et  liberal,  qu'il  ne  veut  point  qu'on  soit  abuse  quand  on  s'attend  a  luy  :  mais  il  signifie  que  ceste  certitude  que  nous  avons  de  la  verite  de  Dieu,  ne  nous  doit  point  rendre  lasches,  pour  dire,  que  nous  soyons  la  comme  abrutie.  Il  faut  plustost  que  nous  soyons  solicitez  a  le  prier.  Il  y  en  aura  aucuns  qui  diront  bien,  qu'ils  sont  asseurez  en  Dieu:  mais  puis  qu'il  scait  ce  qu'il  nous  faut,  disent  ils,  il  n'a  point  besoin  qu'on  l'importune.  Or  telles  gens  monstrent  qu'ils  n'ont  iamais  cognu  que  c'est  de  foy  ne  d'esperance.  Car  si  nous  avons  receu  sans  feintise  les  promesses  de  Dieu,  il  faut  que  nous  ayons  ceste  ardeur  la  en  nous,  et  ce  zele  de  le  prier,  et  de  recourir  a  luy,  pour  dire:  Seigneur,  quand  tu  m'as  asseure  de  ta  bonte  et  de  ta  misericorde,  c'a  este  afin  que  ie  t'invocasse  au  besoin.  Or  ie  voy  la  necessite  qui  me  pfesse,  il  faut  que  ie  vienne  a  toy  comme  tu  m'y  appelles  par  ta  Parole.  Voyla  donc  comme  toutes  les  promesses  de  Dieu  noue  doyvent  estre  autant  d'esperons  pour  nous  picquer,  afin  de  venir  a  luy,  et  luy  faire  nos  oraisons.  Venons  maintenant  a  ce  que  dit  David,  Que  tes  misericordes,  ou  tes  graces  viennent  a  moy,  et  ton  salut.  Apres  qu'il  a  iette  son  fondement  pour  bastir,  il  demande  une  mesme  chose  en  deux  mots,  qui  sont  divers  selon  l'apparence:  c'est  ascavoir,  Les  graces  de  Dieu  et  son  Salut.  Tant  y  a  neantmoins  que  David  ne  signifie,  sinon  que  Dieu  se  monstre  Sauveur  envers  luy.  Toutesfois  il  n'y  a  yci  rien  de  superflu:  car  c'est  autant  comme  s'il  disoit,  Seigneur,  suyvant  ce  que  tu  m'as  promis  que  ie  te  sente  mon  Sauveur  et  mon  Pere.  Mais  cependant  si  est-ce  qu'il  exprime  d'ou  vient  et  procede  ce  salut  que  nous  devons  attendre,  et  que  Dieu  nous  a  promis:  c'est  de  sa  pure  bonte.  Car  les  hommes  ne  se  peuvent  tenir  d'usurper  tousiours  a  eux  quelque  chose  qui  ne  leur  appartient  pas:  ils  le  veulent  tousiours  obliger  a,  eux,  d'une  folle  outrecuidance.  Or  David,  au  contraire,  monstre  yci,  que  tout  le  salut  qu'il  attend  et  qu'il  demande,  vient  d'une  autre  source  que  de  la  vertu  et  dignite  des  hommes:  c'est  ascavoir  de  la  pure  bonte  de  Dieu.  Ainsi  donc,  nous  voyons  que  comme  par  cy  devant  il  a  parle  de  la  promesse,  aussi  il  adiouste  yci  et  exprime  la  cause  qui  a  esmeu  Dieu  de  s'obliger  ainsi  a  nous:  c'est  ascavoir  sa  misericorde.  Par  cela  nous  sommes  admonnestez,  quand  nous  avons  a  invoquer  Dieu,  de  regarder  tousiours  ces  deux  choses  yci:  c'est  ascavoir,  la  grace  de  Dieu  et  sa  misericorde  gratuite:  et  puis  sa  promesse.  Dieu  est  bon  et  liberal,  et  voyla  pourquoy  c'est  qu'il  nous  regarde  en  pitie  :  et  en  nous  y  regardant  Calvini  opera.  Vol  XXXII.