9:544  fuerit  ecclesia  quo  tempore  sacerdotes  a  [pag.  71J  legitimo  Dei  cultu  deflexerant,  minime  ambigitur.  An  vero  eius  ecclesiae  autoritas  vigere  et  valere  debuerit  apud  pios,  ex  prophetis  patet:  qui  ubique  clamant  longissime  ab  impia  eorum  factione  recedendum.  Quanquam  longe  dissimilis  est  ratio  papatus  ubi  neque  templum  est,  neque  altare,  neque  sacerdotium  quae  divinitus  instituta  fuerint.  Itaque  aptior  erit  comparatio,  si  conferatur  cum  statu  israelitici  populi,  ex  quo  Iarobeam  adulterinum  cultum  erexit.  Etsi  enim  magnifice  iactabant  decem  tribus  se  offerre  sacrificia  Deo  redemptori  suo,  et  mercenarii  levitae  censeri  volebant  Dei  ministri,  [pag.  72]  et  Iarobeam  ipse  defectionis  autor  praetexuerat  non  alienari  nova  forma  populum  a  Deo  Abrahae,  sed  tantum  molestia  levari,  ne  cogeretur  ascendere  in  montem  Sion,  illa  tamen  tota  religio,  ut  adulterina  erat,  sic  et  fidelibus  detestabilis.  Negare  tamen  penitus  ullam  fuisse  tunc  apud  Israelitas  ecclesiam,  dictu  asperum  foret:  imo  reclamat  Dei  sententia,  dum  saepius  pronunciat,  illic  sibi  genitos  fuisse  filios  (Ezech.  16,  20):  quia  scilicet  in  usu  erat  circumcisio,  adoptionis  symbolum.  Qua  ratione  Iosias,  quum  tubae  clangore  vocaret  miseros  apostatas  ad  pascha  celebrandum,  [pag.  73]  non  tamen  denuo  circumcidi  iussit.  En  circumcisio,  quam  Deus  apud  ecclesiam  deposuit,  in  Israele  manet:  quo  pignore  ostendit  Deus  aliquas  ecclesiae  reliquias  apud  decem  tribus  manere.  Verum  quod  gratiam  suam  in  illo  populo  Deus  noluit  in  totum  deleri,  nihil  ad  sacerdotii  dignitatem  facit:  sicuti  ex  Oseae  vaticiniis  clarissime  apparet.  Haec  nunc  obiter  dicta  sint  de  ecclesia,  quorum  paulo  post  sequetur  fusior  explicatio:  sed  insidiis  occurrere  necesse  fuit,  ne  putarent  minus  exercitati,  simul  ac  propositum  fuerit  ecclesiae  nomen,  consensum  malorum  [pag.  74]  praesulum  et  degeneris  populi  pro  lege  habendum  esse.  Interea  diluta  est  prima  ratio  :  Quia  per  baptismum  regeniti  sumus  in  papatu,  nos  esse  romanae  ecclesiae  filios.  Nempe  eodem  iure  quo  adstricti  fuerunt  ad  colendam  societatem  Dan  et  Bethel,  qui  in  Israele  circumcisi  fuerant.  Si  vero  non  aliter  se  probarunt  integros  veri  Dei  cultores,  nisi  commentitio  altari  et  templo  renunciarent:  nos  baptismus  noster,  licet  nobis  in  papatu  administratus,  vexilli  instar,  ex  dissipatione  colligere  debet  ad  Christi  obsequium:  tantum  abest  ut  impiae  obstinationis  vinculum  sit.  [pag.  75J  Secunda  ratio  putidior:  Confessio  nominis  christiani  retinetur  in  papatu.  An  non  semper  ab  omnibus  haereticis  retenta  fuit?  Sed  eo  minus  tolerabilis  est  falsa  iactantia,  quod  pudendum  nominis  Dei  ludibrium  continet.  De  scripturae  autoritate  prompta  est  responsio,  fateri  papam  cum  suo  clero  quod  negare  non  audent  :  scripturae  credendum  esse,  modo  soli  sint  eius  interpretes,  nec  quidquam  ex  ea  probetur,  nisi  quod  ipsis  libitum  sit  annuere.  Eodem