5:544  sans  se  marier,  ou  qu'elle  se  reconcilie  avec  son  mary.  L'element  de  ce  Sacrement  est  celle  exterieure  conionction  de  l'homme  et  de  la  femme,  par  laquelle  ilz  sont  accouplez  en  l'Eglise  au  Nom  de  Dieu  et  de  Christ:  Ce  que  l'Apostre  sainct  Paul  appelle  se  marier  au  Seigneur.  [fol.  38]  Or  la  vertu  de  ce  Sacrement  est,  que  les  mariez  entendent,  qu'ilz  sont  conioinctz,  non  par  authorite  humaine,  ains  divine,  et  qu'ilz  ont  receu  la  grace,  par  laquelle  leur  convenance  legitime  en  Mariage  n'est  point  imputee  a  coulpe:  par  laquelle  aussi  le  Chrestien  sanctifie  sa  femme  payenne,  qui  s'accorde  de  demourer  avec  luy,  et  que  de  luy  proviennent  enfans  sainctz  (1  Cor.  7,  14),  c'est  a  dire  desdiez  k  Dieu,  par  laquelle,  pour  abreger,  ilz  doivent  garder  Joyaulte  perpetuelle  l'un  a  l'aultre,  a  celle  fin  qu'ilz  soient  deux  en  une  chair,  ainsi  que  Christ  et  son  Eglise  (Ephes.  5,  31).  Les  Manicheens  et  Tatians,  qui  sont  aussi  nommez  Eucratites,  1)  par  doctrine  des  Diables,  defendans  le  Mariage,  sont  condamnez  de  la  censure  apostolique  (1  Tim.  4,  3).  Or  les  choses  qui  concernent  la  deliberation  des  separations  et  iugemens  matrimoniaux,  soient  reservees  a  la  reformation.  Du  Sacrement  de  Function  des  malades.  L'unction  des  malades  usitee  en  l'Eglise,  est  prinse  de  la  parolle  de  l'Apostre  sainct  laques.  Car  sans  doubte  icy  l'Apostre  nous  a  laisse  tel  mandement  de  Christ,  non  point  en  son  propre  nom,  ains  comme  serviteur  de  Iesus  Christ.  Y  a  il  quelqu'un  (dit-il)  qui  soit  malade  entre  vous?  qu'il  face  venir  les  Anciens,  a  celle  fin  qu'ilz  prient  pour  luy,  l'oingnans  de  huyle  au  Nom  du  Seigneur,  et  l'oraison  de  foy  guarira  le  malade,  et  le  Seigneur  le  soulagera,  et  s'il  est  en  peche  ilz  luy  seront  pardonnez.  En  laquelle  parolle  gist  le  verbe  de  ce  Sacrement,  qui  est  apprehende  par  foy.  Or  Thuyle  est  l'element  de  ce  Sacrement,  par  laquelle  est  signifie  au  malade,  qu'estant  par  maladie,  abbatu  en  l'infirmite  de  son  corps,  il  doit  respirer  en  Christ  seul,  qui  est  oinct  d'huyle  de  liesse,  par  dessus  tous  ceux  qui  participent  avec  luy:  a  celle  fin  qu'il  pense  qu'il  est  oinct  au  Nom  du  Seigneur:  que  tout  ainsi  qu'un  bon  Champion,  estant  constitue  en  une  extreme  bataille,  de  paour  que  par  aucune  violence  de  la  maladie,  ou  par  assaulx  du  Diable,  il  ne  soit  surmonte:  ains  estant  consorte  en  foy,  foule  aux  piedz  la  chair,  le  monde  et  Sathan:  et  ce  [fol.  39]  au  Nom  de  celuy  Christ,  auquel  il  est  oingt.  1)  Lisez:  Encratites.